მსუბუქი და ჰაეროვანი კექსები სწრაფად და მარტივად. ის, რაც ჩემს შვილებს ძალიან უყვართ

1464

გემრიელი, ჰაეროვანი და ოქროსფრად დაბრაწული კექსები პატარების საყვარელი დესერტია. ფუმფულა კექსები შეგიძლიათ მოამზადოთ ძალიან სწრაფად და მარტივდ.

მოცემული ინგრედიენტების მიხედვით შეძლებთ 12 კექსის მომზადებას:

  • 200 გრ ფქვილი
  • 10 გრ გამაფხვიერებელი
  • 4 ცალი კვერცხი
  • 80 გრ კარაქი
  • 60 მლ რძე
  • 80 მლ ზეთი
  • 150 გრ შაქარი
  • მწიკვი მარილი
  • 1 ცალი ლიმონის ცედრა

მომზადების წესი:

  1. პირველ რიგში, კარაქი გაადნეთ. კვერცხი და შაქარი მიქსერით კარგად ათქვიფეთ. დაამატეთ მარილი, ლიმონის ცედრა. თუ თქვენ ლიმონის გემო არ მოგწონთ, დაამატეთ 1 ჩ. კ. ვანილის შაქარი.
  2. თქვეფას აგრძელებთ და თანდათან ამატებთ გამდნარ კარქსა და რძეს.  ბოლოს დაამატეთ ფქვილისა და გამაფხვიერებლის ნარევს. მიიღებთ თხელ ერთგვაროვან მასას.
  3. თასს დაახურეთ ხუფი ან გადააკარით საკვების ცელოფანი და 1 საათით შედეთ მაცივარში.
  4. კექსების საცხობ ფორმაში ჩააფინეთ ქაღალდის ფორმები (შეგიძლიათ მათ გარეშეც გამოაცხოთ, მხოლოდ საცხობ ფორმას აუცილებლად წაუსვით ზეთი).
  5. ცომი გამოიღეთ მაცივრიდან და ფორმებში თანაბრად გაანაწილეთ ისე, რომ დაფაროთ ფორმების 2/3, რადგან კექსები გამოცხობის დროს იმატებს. კექსებს ზემოდან მოაყარეთ მწიკვი შაქარი.
  6. ღუმელი გააცხელეთ 200 გრადუს ტემპერატურაზე. გამოსაცხობად დასჭირდება 10 წუთი.

თუ სურვილი გაქვთ, გაგრილების შემდეგ მოაფრქვიეთ შაქრის ფხვნილი ან დაფარეთ გამდნარი შოკოლადით. გემრიელად მიირთვით!