შემოგთავაზებთ სომხური ხელნაკეთი ლავაშის რეცეპტს. თხელი და გემრიელი ლავაში შეგიძლიათ ნებისმიერი კერძის მოსამზადებლად გამოიყენოთ.
მოსამზადებლად დაგჭირდებათ შემდეგი ინგრედიენტები:
- 4 ჩ. ჭ. ფქვილი
- 1,3 ჩ. ჭ. წყალი
- 1 ს. კ. არაყი
- 1 ცალი კვერცხი
- 2 ს. კ. ზეთი
- 1 ჩ. კ. მარილი
მომზადების წესი:
- აადუღეთ წყალი მარილთან და ზეთთან ერთად, დაამატეთ ½ ჩ. ჭ. ფქვილი, ურევთ განუწყვეტლივ ერთგვაროვანი მასის მიღებამდე.
- გაგრილებულ მასას დაამატეთ კვერცხი და არაყი (შეგიძლიათ არაყი არ დაამატოთ).
- ნელ-ნელა შეაზილეთ დარჩენილი ფქვილი და მოზილეთ ცომი. ცომი ხელებზე არ უნდა გეკრობოდეთ. თუ გეკრობათ, დაამატეთ ცოტა ფქვილი.
- მზა ცომი 1-1,5 საათით გააჩერეთ. ერთხელ აუცილებლად ჩაზილეთ. მითითებული დროის გასვლის შემდეგ, ცომი დაყავით პატარა, კვერცხის ზომის, გუნდებად და თხელ ფენად გააბრტყელეთ.
- ტაფა კარგად გააცხელეთ და ლავაში ორივე მხრიდან გამოაცხვეთ, მაგრამ არ დაბრაწოთ. იმისათვის, რომ რბილად შეინახოთ ლავაშები ჩააწყვეთ პარკში.
თუ დიდ ხნით გსურთ შენახვა, მაშინ პარკში არ ჩადოთ, შეინახეთ ოთახის ტემპერატურაზე. გამოყენების წინ, წყლით დანამეთ და ჩადეთ პარკში. ცოტა ხნის შემდეგ ლავაშები დარბილდება და კვლავ შეძლებთ სასურველი კერძის მომზადებას.
