ფიჭვი უძლიერესი სამკურნალო მცენარეა, რომელიც უძველესი დროიდან აქტიურად გამოიყენება ჯანმრთელობასთან დაკავშირებული მრავალი პრობლემის მოსაგვარებლად. სხვადასხვა სამკურნალო დანიშნულება აქვს მის ქერქს, წიწვებს, ფესვებს, ეთერზეთს. მაგალითად, ფიჭვის ეთერზეთს აქვს ამოსახველებელი ეფექტი, სწორედ ამიტომ ის აქტიურად გამოიყენება ისეთ რესპირატორულ დაავადებათა სამკურნალოდ, როგორიცაა ბრონქიტი, სინუსიტი, გრიპი და ასთმაც კი.
ამჯერად, ვისაუბრებთ წიწვების ჩაის სარგებელზე. უამრავი ვიტამინით, განსაკუთრებით კი C ვიტამინით გაჯერებული წიწვების ჩაი, უძლიერესი ანტიოქსიდანტია და აქტიურად გამოიყენება იმუნიტეტის გასაძლიერებლად. მოცემულ ჩაის აქვს შარდმდენი ეფექტი, არის ანტისეპტიკური საშუალება, ასევე ხელს უწყობს თავისუფალი რადიკალების განეიტრალებას, უნარჩუნებს თვალს ჯანმრთელობას და აფერხებს ნერვული სისტემის დარღვევებს.
გამოკვლევების შედეგად დადასტურებულია, რომ ფიჭვის წიწვები თავისი შემადგენლობის წყალობით უზრუნველყოფს ნათელ გონებას, გამოიყენება დეპრესიის, სიმსუქნის, სკლეროზის, ალერგიისა და მაღალი წნევის სამკურნალოდ.
სამკურნალო ჩაის მოსამზადებლად უპირატესობა მიანიჭეთ მწვანე, ახალგაზრდა წიწვებს. ისინი შეიცავს მეტ საკვებ და სასრგებლო ნივთიერებებს.
გაითვალისწინეთ, რომ წიწვები უნდა შეაგროვოთ გზიდან და დაბინძურებული ადგილებიდან შორს.
წიწვები კარგად გარეცხეთ. დაქუცმაცებული წიწვების, დაახლოებით 1 ს. კ. ჩაყარეთ ფინჯანში და დაასხით ადუღებული წყალი. ნაყენი დააყოვნეთ 10 წუთი და შემდეგ მიიღეთ. შეგიძლიათ დაამატოთ თაფლი.
მოცემული ჩაის გამოყენება არ შეიძლება ორსულებისთვის. გისურვებთ ჯანმრთელობას!
