შემოგთავაზებთ სამარხვო კექსის რეცეპტს. ამ გემრიელობის მოსამზადებლად უმარტივესი და ყველასთვის ხელმისაწვდომი ინგრედიენტები დაგჭირდებათ.
არომატული, ნაზი, რბილი და მადისაღმძვრელი კექსი, მართალია, სამარხვოა, მაგრამ ძალიან გემრიელია.
მოსამზადებლად დაგჭირდებათ შემდეგი ინგრედიენტები:
- წყალი 250 გრ
- შაქარი 120 გრ
- თაფლი 2 ს. კ.
- ზეთი 120 მლ
- ფქვილი 320 გრ
- სოდა 1 ჩ. კ.
- მარილი მწიკვი
მომზადების წესი:
- თბილ წყალს დაამატეთ მარილი, შაქარი, თაფლი, ზეთი და აურიეთ. შემდეგ ნელ-ნელა შეაზილეთ ფქვილი, სოდა და მოზილეთ ცომი. ცომი უნდა იყოს საშუალო სისქის არაჟნის მსგავსი.
- კექსის საცხობ ფორმაში ჩააფინეთ პერგამენტის ქაღალდი, გადაიტანეთ ცომი და თანაბრად გაანაწილეთ.
- ღუმელი გააცხელეთ 170 გრადუს ტემპერატურაზე. გამოსაცხობად დასჭირდება 40 წუთი.
კექსი გააგრილეთ, ამოიღეთ ფორმიდან და მოაყარეთ შაქრის ფხვნილი. გემრიელად მიირთვით!
