შემოგთავაზებთ არომატული თურქული ცომის რეცეპტს, რომელიც საუკეთესოა ღვეზელების, ფუნთუშებისა და სხვადასხვა საკონდიტრო ნაწარმის მოსამზადებლად.
ცომის მოსამზადებლად დაგჭირდებათ შემდეგი ინგრედიენტები:
- ფქვილი 6 ჩ. ჭ.
- მინერალური წყალი 1 ჩ. ჭ.
- რძე 1 ჩ. ჭ.
- საფუარი 7 გრ
- შაქარი 2 ს. კ.
- ზეთი 1 ჩ. ჭ.
- მარილი 1 ს. კ.
მომზადების წესი:
- გაცრილი ფქვილი და საფუარი აურიეთ. რძე ოდნავ შეათბეთ.
- დიდ თასში ჩაასხით რძე, ზეთი, მინერალური წყალი, დაამატეთ შაქარი, მარილი და აურიეთ. შემდეგ თანდათან შეაზილეთ ფქვილი. მიიღებთ რბილ ცომს. გადააფარეთ ცელოფანი ან ტენიანი პირსახოცი და საათ-ნახევრით დააყოვნეთ სითბოში.
- მითითებული დროის გასვლის შემდეგ, ცომი ჩაზილეთ და გააჩერეთ კიდევ ერთი საათი.
თურქული ცომი მზად არის. ცომი 3-5 დღე შეგიძლიათ მაცივარში შეინახოთ და საჭიროების მიხედვით გამოიყენოთ.
