გვირილის ჩაი ბუნებრივი წამალია, რომლის მიღება რეკომენდებულია ჯანმრთელობასთან დაკავშირებული მრავალი პრობლემის სამკურნალოდ.
- გვირილა სამკურნალო მცენარეა. აქვს ანთების საწინააღმდეგო, ანტიბაქტერიული, სპაზმოლიტური, ანტიალერგიული, მსუბუქი ტკივილგამაყუჩებელი და დამამშვიდებელი მოქმედება.
- ასევე ასტიმულირებს კუჭისა და ნაღვლის წვენის გამოყოფას
- ხსნის მუცლის ღრუს ორგანოების სპაზმს
- ასტიმულირებს ცენტრალური ნერვული სისტემის მუშაობას
- აუმჯობესებს საჭმლის მონელებას
- ამცირებს სხეულის ტემპერატურას
- ებრძვის კანზე არსებულ გამონაყარს
- კურნავს კონიუქტივიტს
- დერმატიტს
- ხსნის თავის ტკივილს, აგრეთვე შაკიკით გამოწვეულ ტკივილს
ვცხოვრობთ სამყაროში, სადაც სტრესი ჩვენი ყოველდღიური ცხოვრების გარდაუვალი ნაწილია, ამიტომ გვირილის ჩაი ჩვენი მეგობარია. ცნობილია, რომ გვირილა ამშვიდებს ნერვულ სისტემას. თუ მუდმივი სტრესის ქვეშ ხართ, დალიეთ გვირილის ჩაი. რამდენიმე დღის მოხმარების შემდეგ შეამჩნევთ პოზიტიურ ცვლილებებს.
გვირილის ჩაი ძალიან სასარგებლოა თმის ცვენის საწინააღმდეგოდ. დაბანვის შემდეგ თუ გადაივლებთ გვირილის ნაყენს თმის ცვენა საგრძნობლად შეგიმცირდებათ.
გარდა ამისა, გვირილის ჩაი ხსნის მენსტრუალური ტკივილით გამოწვეულ სპაზმებს. შეგიძლიათ დალიოთ გვირილის ჩაი ან თბილ-თბილი ნაყენით გააჯერეთ ქსოვილი და დაიდეთ მუცელზე. მოცემული მეთოდი ბევრად უფრო ეფექტური და ჯანსაღი ვარიანტია, ვიდრე ანალგეტიკების მიღება.
გისურვებთ ჯანმრთელობას!
