შემოგთავაზებთ სოკოს რულეტის რეცეპტს. უნაზესი ბისკვიტისა და საოცრად გემრიელი შიგთავსის კომბინაციას ვერ დაივიწყებთ.
მოსამზადებლად დაგჭირდებათ შემდეგი ინგრედიენტები:
- კვერცხი 4 ცალი
- ფქვილი 2 ს. კ.
- ხახვი 1 ცალი
- ნიორი 1 კბილი
- პომიდორი 1 ცალი
- ქამა სოკო 200 გრ
- ხმელი ყველი 150 გრ
- მარილი გემოვნებით
- შავი პილპილი გემოვნებით
მომზადების წესი:
- საცხობ ფორმაზე დააფინეთ პერგამენტის ქაღალდი და წაუსვით ცხიმი.
- კვერცხის გული და ცილა გამოყავით ერთმანეთისგან. ჯერ მიქსერით ათქვიფეთ ცილა მწიკვ მარილთან ერთად. შემდეგ ათქვიფეთ კვერცხის გული მარილთან და პილპილთან ერთად.
- ათქვეფილი გული და ცილა ნაზად შეურიეთ ერთმანეთს. შემდეგ დაამატეთ ფქვილი. მომზადებული მასა გადაიტანეთ საცხობ ფორმაზე და გაათანაბრეთ. ღუმელი გააცხელეთ 170 გრადუს ტემპერატურაზე. მოსამზაადებლად დასჭირდება 10 წუთი. ბისკვიტი გააგრილეთ.
- ხახვი და ნიორი დაჭერით წვრილად და მოთუშეთ ზეთში, დაამატეთ დაჭრილი სოკო, ბოლოს პამიდორი და შეწვით.
- თბილი შიგთავსი მზა ბისკვიტზე თანაბრად გაანაწილეთ.
ზემოდან დაახეხეთ ყველი და გადაახვიეთ. მოამზადეთ საოცრად არომატული რულეტი და გემრიელად მიირთვით!
