შემოგთავაზებთ ნაზი, ფუმფულა, ხაჭოს არომატით გაჯერებული და ლამაზი ფუნთუშების რეცეპტს.
ფუნთუშების მოსამზადებლად დაგჭირდებათ შემდეგი ინგრედიენტები:
- რძე 250 მლ
- კვერცხი 2 ცალი
- შაქარი 100 გრ
- კარაქი ან მარგანინი 100 გრ
- ფქვილი 600-700 გრ
- ვანილის შაქარი 1 შეფუთვა
- საფუარი 25 გრ
- ლიმონის ცედრა
- მარილი 1 ჩ. კ.
შიგთავსის მოსამზადებლად დაგჭირდებათ:
- კვერცხი 1 ცალი
- შაქარი 100 გრ
- ვანილის შაქარი 1 შეფუთვა
- ხაჭო 500 გრ
- ქიშმიში 100-150 გრ
მომზადების წესი:
- ქიშმიშს დაასხით ცხელი წყალი და ცოტა ხნით გააჩერეთ. შემდეგ გადაწურეთ.
- ამზადებთ საფუარს. ოდნავ ცხელ რძეს შეურიეთ საფუარი, შაქარი, 1 ჩ. ჭ. ფქვილი და ცოტა ხნით სითბოში გააჩერეთ.
- კარაქი გაადნეთ, ოდნავ გააგრილეთ და დაამატეთ კვერცხი, შაქარი, ვანილი, მარილი და აურეით. შემდეგ შეურიეთ მზა საფუარი. ნელ-ნელა შეაზილეთ დარჩენილი ფქვილი. ცომი მოათავსეთ თასში, გადააფარეთ ტილო და ასაფუებლად დადეთ სითბოში.
- შიგთავსის მოსამზადებლად დაგჭირდებათ ოთახის ტემპერატურის ხაჭო, დაამატეთ კვერცხი, ვანილის შაქარი, შაქარი, ქიშმიში და აურიეთ. თუ ხაჭო ცოტა თხელია, დაამატეთ ფქვილი ან მანანი.
- აფუებული ცომი გადმოიტანეთ ფქვილმოყრილ სამუშაო ზედაპირზე და გაყავით 24 თანაბარ ნაწილად. გამოხელეთ გუნდები. თითოეული გუნდა გააბრტყელეთ და გააკეთეთ 3 ჭრილი ისე, რომ მიიღოთ განსხვავებული ზომის ნაწილები. შუაში ჩადეთ მომზადებული შიგთავსი და შემოახვიეთ სამი ნაწილიდან ჯერ ყველაზე პატარა ფენა და ცომის ძირზე კიდით დაამაგრეთ, შემდეგ_საშუალო და ბოლოს შემოახვიეთ ყველაზე დიდი ნაწილი. კიდეები მჭიდროდ შეკარით ცომის ძირთან.
- მზა ფუნთუშები დააწყვეთ საცხობ ფორმაზე. აუცილებლად დაიცავით მანძილი.
- კვერცხის გულს დაამატეთ ცოტა რძე, ათქვიფეთ და ფუნთუშებს ფუნჯით წაუსვით. მზა ფუნთუშები ცოტა ხნით გააჩერეთ.
- ღუმელი გააცხელეთ 180 გრადუს ტემპერატურაზე. გამოცხობის დრო თქვენს ღუმელზეა დამოკიდებული.
ოქროსფრად დაბრაწული ფუნთუშები უგემრიელესია და დამერწმუნეთ ოჯახის ყველა წევრს აღაფრთოვანებთ. გემრიელად მიირთვით!
