შემოგთავაზებთ კანის გამაახალგაზრდავებელი ნიღაბის რეცეპტს. ნიღაბის შემადგენლობაში შემავალი ინგრედიენტები საოცრებებს ახდენს კანისთვის.
- ბანანი მდიდარია ვიტამინებითა და მინერალებით, რომლებიც კვებავს კანს. საოცარი ხილი საუკეთესო საშუალებაა ნაოჭების გასასწორებლად.
- იოგურტის შემადგენლობაში შემავალი რძემჟვა და შვრიის ფანტელები საოცარ კომბინაციას ქმნის. საუკეთესო ამაქერცლავი საშუალებაა და ეფექტურად წმენდს კანს მკვდარი უჯრედებისგან.
- თაფლი ატენიანებს კანს და ახდენს დეზინფექციას.
ნიღაბი განკუთვნილია ნებისმიერი ტიპისა და ასაკის კანისთვის. შეგიძლიათ გამოიყენოთ ყოველ დღე. მიიღებთ საოცარ და სტაბილურ შედეგს.
გამაახალგაზრდავებელი ნიღაბის მოსამზადებლად დაგჭირდებათ შემდეგი ინგრედიენტები:
- ბანანის პიურე 1 ს. კ.
- დაფქული შვრია 3 ჩ. კ.
- შვრიის ფანტელი 1 ს. კ.
- იოგურტი (ხაჭო, კეფირი, არაჟანი, რძე) 2 ს. კ.
- თაფლი 1 ჩ. კ.
- 1 ცალი კვერცხის გული ან მწყერის კვერცხი
მომზადებისა და გამოყენების წესები:
- მოცემული ინგრედიენტები აურიეთ ისე, რომ მიიღოთ ერთგვაროვანი მასა.
- ნიღაბის გამოყენებამდე სახე, ყელი და მკერდის ზონა კარგად დაიბანეთ. პირსახოცი დაასველეთ ცხელ წყალში, კარგად გაწურეთ და 1-2 წუთი დაიფინეთ სახეზე.
- მომზადებული მასა თანაბრად გაინაწილეთ სახის კანზე, ყელზე, მკერდის არეში და სამოქმედოდ დაიტოვეთ 15-20 წუთი. ნარჩენები ჯერ თბილი წყლით ჩამოიბანეთ, შემდეგ_ცივი წყლით. ბოლოს თხელ ფენად წაისვით ქოქოსის ზეთი და მიღებული შედეგით ისიამოვნეთ.
როგორც ზემოთ აღვნიშნეთ, მალამო შეგიძლიათ გამოიყენოთ ყოველ დღე.
