შემოგთავაზებთ ნაზი და ჰაეროვანი კრემის რეცეპტს, რომელსაც ნაყინის გემო აქვს. კრემი შეგიძლიათ ნებისმიერი დესერტის მოსამზადებლად გამოიყენოთ.
საჭირო ინგრედიენტები:
- არაჟანი 20%-იანი 500 გრ
- ლიმონის ცედრა ცოტა
- კვერცხი 2 ცალი
- ფქვილი 3 ს. კ.
- შაქარი 180 გრ
- ვანილის შაქარი
- კარაქი (ოთახის ტემპერატურის) 250 გრ
მომზადების წესი:
- კვერცხი და შაქარი ათქვიფეთ, დაამატეთ არაჟანი, ვანილი, ლიმონის ცედრა და ფქვილი აურიეთ. ქვაბი დადგით ორთქლის აბაზანაზე, ურევთ განუწყვეტლივ და ადუღებთ გასქელებამდე.
- კარაქი კარგად ათქვიფეთ და ნაწილ-ნაწილ შეათქვიფეთ გაგრილებული კრემი.
მიიღებთ ჰაეროვან, ღრუბელივით ფაფუკ კრემს, რომელიც შეგიძლიათ ტორტის მოსართავადაც გამოიყენოთ. გემრიელად მიირთვით!
