დღეს წარმოგიდგენთ თქვენს ჯანმრთელობაზე ზრუნვისა და ეფექტური ვარჯიშის ისეთ მეთოდს, რომლითაც უფრო მარტივად მიაღწევთ სასურველ შედეგებს. ამ დისციპლინას რეტრო-სირბილი ეწოდება.
რას წარმოადგენს ეს მეთოდი?
ეს უბრალოდ უკუღმა სირბილია და წარმოდგენს ეფექტურ და ინტენსიურ ვარჯიშის მეთოდს. იგი ამცირებს ზურგის და ფეხების ტრამვის რისკს და გეხმარებათ ქვედატანის უკეთესად გაძლიერებაში.
რატომ ვიკლებთ მისი დახმარებით წონას ეფექტურად?
ეს სრულყოფილი კარდიოვასკულარული ვარჯიშია, რის გამოც იგი არამარტო ბევრ კალორიებს წვავს, არამედ უფრო და უფრო მეტი ვარჯიშის შედეგად უფრო მეტ კუნთების ჯგუფებს ავარჯიშებს. ამის წარმოსადგენად საკმარისია იცოდეთ ის, რომ უკან გადადგმული 100 ნაბიჯი უდრის ჩვეულებრივად გავლილ 1000 ნაბიჯს. ასევე უკუღმა სირბილით დარტყმული ერთი წრე უდრის სწორად სირბილით დაფარულ ექვს წრეს. შესაბამისად თქვენთვის სასურველი კალორიების რაოდენობას უფრო მოკლე ვადაში წვავთ.
უკუღმა სირბილის დადებითი ეფექტებია:
ფეხების კუნთების გაძლიერება – რეტრო სირბილი აძლიერებს თქვენს კუნთებს მუხლებზე ზეწოლის გარეშე. იგი ასევე გეხმარებათ რეგულარული სარბენი კუნთების საპირისპირო კუნთების ჯგუფების გამოკვეთაშიც.
გიცავთ ტრამვებისგან და აჯანსაღებს მუხლებს – წინ სირბილისას თქვენ იმეორებთ ერთნაირ მოქმედებებს და ამას შეუძლია საშიში დისბალანსი და მუხლის ქრონიკული პრობლემები გამოიწვიოს. უკუღმა სირბილი ამცირებს მუხლებზე მიყენებული ზეწოლის აგრესიულობას და აუმჯობესებს კუნთების დატვირთვის ბალანსს.
პერიფერიული ხედვის და ბალანსის განვითარება – უკუღმა სირბილი გეხმარებათ პერიფერული ხედვის გაუმჯობესებაში და ასევე აუმჯობესებს თქვენს ბალანსსაც, რადგან ასეთ დროს თქვენ ვერ ხედავთ რა ხდება თქვენს წინ. ეს აუმჯობესებს სმენასაც.
ეს კარგია თქვენი ტვინისთვის – ვარჯიშის რუტინის შეცვლა და კუნთების საპირისპირო მიმართულებით მოძრაობა ტვინს განსხვავებულად აზროვნებაში ეხმარება.
აუმჯობესებს თქვენი სხეულის პოზას – უკუღმა სირბილისას თქვენ ბუნებრივად ინარჩუნებთ წელის გამართულ ფორმას. ეს ასევე გეხმარებათ წინ სირბილისას მოხრით გამოწვეული ტკივილის შემსუბუქებაში.
მუცლის კუნთების გაძლიერება – ზურგის გამართულ მდგომარეობაში შენარჩუნება და ძლიერი მუცლის კუნთები ერთმანეთთანაა დაკავშირებული. როდესაც სწორი პოზით დარბიხართ, მაშინ თქვენი მუცლის კუნთებიც ეფექტურად ვარჯიშდება.
გენერალური რეკომენდაციები:
დასაწყისისთვის სჯობს რეტრო-სირბილი დაიწყოთ იმ სარბენ მოედანზე, რომელსაც კარგად იცნობთ. მისი ზოლებით მარტივად გაჰყვებით სწორ მიმართულებას უკან. ასევე ქუჩაში ასფალტზე სირბილისას შეგიძლიათ ბალანსის შესანარჩუნებლად გამოიყენოთ ძირს დახაზული თეთრი ზოლები.
თუ გგონიათ რომ სხვები უცნაურად შემოგხედავენ უკუღმა სირბილის დროს, მაშინ შეგიძლიათ ეს ვარჯიში სახლში, სარბენ ბილიკზე შეასრულოთ.
