შემოგთავაზებთ რეცეპტს, რომლის მიხედვითაც შეძლებთ ხრაშუნა და გემრიელი ნივრის მწნილის ძალიან მარტივად მომზადებას.
გემრიელი და არომატული მწნილის მოსამზადებლად დაგჭირდებათ შემდეგი ინგრედიენტები:
- ახალი ნიორი 1 კგ
- წყალი 600 მლ
- შაქარი 4 ჩ. კ.
- შავი პილპილის მარცვლები 7 ცალი
- მიხაკის 10 ბუტონი
- ძმარი 3 ს. კ.
- მარილი 2 ს. კ.
- დაფნის ფოთოლი 1 ცალი
მომზადების წესი:
- ნიორი გარეცხეთ და შემოაცალეთ მხოლოდ გარეთა ქერქი. შეგიძლიათ დატოვოთ მთლიანი თავები ან დაყოთ კბილებად. ნიორი ჩააწყვეთ გასტერილებულ ქილებში.
- მარინადის მოსამზადებლად ქვაბში ჩაასხით წყალი, დაამატეთ მარილი, შაქარი, შავი პილპილის მარცვლები, მიხაკის ბუტონები და დაფნის ფოთოლი. ქვაბი დადგით საშუალო ცეცხლზე და აადუღეთ. შემდეგ გადმოდგით ცეცხლიდან დაამატეთ ძმარი.
- თბილი მარინადი დაასხით ნიორს. ქილა გაავსეთ ბოლომდე, დაახურეთ გასტერილებული ხუფი და დადეთ სიგრილეში.
- ხრაშუნა ნივრის მწნილი შეგიძლიათ მიირთვათ 2 თვის შემდეგ.
გემრიელად მიირთვით!
