შემოგთავაზებთ იტალიური გემრიელი, ჰაეროვანი და ნასვრეტებიანი პურის, ,,ჩიაბატას“ (ჩაპატას), რეცეპტს. შეგიძლიათ მოცემულ ინგრედიენტებს დაამატოთ თქვენთვის სასურველი სანელებლები ან მოთუშული ხახვი, ან ცოტა ყველი. ეს უკვე თქვენს გემოვნებაზეა დამოკიდებული.
გემრიელი პური ხრაშუნა ქერქით უმარტივესი მოსამზადებელია და ინგრედიენტებიც ყველასთვის ხელმისაწვდომია.
,,ჩიაბატას“ მოსამზადებლად დაგჭირდებათ შემდეგი ინგრედიენტები:
- ფქვილი 400 გრ
- წყალი 330 გრ
- საფუარი ნახევარი ჩ. კ.
- მარილი ნახევარი ჩ. კ.
- ზეითუნის ზეთი 2 ს. კ.
მომზადების წესი:
- მოცემული ინგრედიენტებით მოზილეთ ცომი. ცომი უნდა იყოს თხელი, ამიტომ არ დაამატოთ ფქვილი მთლიანად, ნელ-ნელა შეაზილეთ, რადგან შეიძლება დაგჭირდეთ ცოტა მეტი ან ცოტა ნაკლები. ჩვენი ამოცანაა მივიღოთ წებოვანი ცომი.
- ცომს ზელთ ხელით 5-10 წუთი ან გამოიყენეთ ცომსაზელი. მზა ცომს გადააფარეთ ტილო და 10-15 წუთი გააჩერეთ სითბოში.
- მკვრივი და წებოვანი ცომი გაორმაგდა მოცულობაში. აფუებული ცომის ზედაპირზე ჩანს ბუშტუკები.
- სამუშაო ზედაპირზე გაშალეთ საკვების ცელოფანი, აქა-იქ მოასხურეთ ცოტა წყალი, მოაყარეთ ცოტა ფქვილი და გადმოიტანეთ ცომი.
- მიუხედავად იმისა, რომ ცომი თხელია, არ იშლება და შესანიშნავად ინარჩუნებს ფორმას, დასამუშავებლად მოსახერხებელი და მარტივია. მოაყარეთ ცოტა ფქვილი და გამოხელეთ ოვალური ფორმის გუნდა. შეგიძლიათ ცომი გაყოთ ორ ნაწილად.
- საცხობ ფორმაში ჩააფინეთ პერგამენტის ქაღალდი, წაუსვით ზეთი, მოაყარეთ ფქვილი და ცომი ფრთხილად გადაიტანეთ ფორმაში, გადააფარეთ ტილო და სითბოში გააჩერეთ 2 საათი.
- ღუმელი გააცხელეთ 220 გრადუს ტემპერატურაზე. ღუმელში შედეთ წყლიანი თასი. თავდაპირველად აცხობთ 220 გრადუს ტემპერატურაზე, შემდეგ დაუწიეთ 200 გრადუსამდე და აცხვეთ კიდევ, დაახლოებით, 15 წუთი.
მოამზადეთ უგემრიელესი ,,ჩიაბატა“ და გემრიელად მიირთვით!
