შემოგთავაზებთ მარტივად მოსამზადებელი ,,ლაზანიას“ რეცეპტს. ,,ზარმაც ლაზანიას“ ამზადებთ თხელი ლავაშით. არომატული შიგთავსით გაჯერებული კერძი უგემრიელესია და დაამშვენებს როგორც ოჯახურ, ისე სადღესასწაულო სუფრას.
მოსამზადებლად დაგჭირდებათ შემდეგი ინგრედიენტები:
- ფარში (თქვენთვის სასურველი) 500 გრ
- ხახვი 2 თავი
- სოკო 500 გრ
- ლავაში (თხელი)
- რძე 1 ჩ. ჭ.
- ფქვილი 1 ს. კ.
- ყველი
მომზადების წესი:
- სოკო დაჭერით წვრილად. ხახვი დაჭერით წვრილად.
- ტაფაზე დაასხით ცოტა ზეთი და სოკო მოთუშეთ ხახვთან ერთად.
- ფარში შეაზავეთ მარილითა და შავი პილპილით.
- საცხობ ფორმას წაუსვით ზეთი და ინგრედიენტები შემდეგი თანმიმდევრობით გაანაწილეთ: ლავაში, ფარში, ლავაში, სოკო, ლავაში. თუ საშუალო ზომის ფორმას გამოიყენებთ, მაშინ ფარში და სოკოს მასა ორ ნაწილად გაყავით და შესაბამისად მოამზადებთ მეტ ფენას.
- ამზადებთ რძიან სოუს: 1 ს. კ. ფქვილს ნელ-ნელა დაასხით რძე, შეაზავეთ მარილით და დადგით დაბალ ცეცხლზე. ურევთ განუწყვეტლივ და აადუღეთ. მასა ოდნავ გასქელდება.
- რძიანი სოუსით დაფარეთ ,ლაზანია“ და ზემოდან მოაყარეთ გახეხილი ყველი.
- ღუმელი გააცხელეთ 180 გრადუს ტემპერატურაზე. გამოსაცხობად დასჭირდება 30-40 წუთი.
სოკო შეგიძლიათ ჩაანაცვლოთ პამიდვრით. გემრიელად მიირთვით!
