შემოგთავაზებთ მოხარშული შესქელებული რძისა და არაჟნის უგემრიელესი კრემით მომზადებული, ზღაპრულად გემრიელი, არომატული ტორტის, ,,ნესკვიკის“, რეცეპტს.
ბისკვიტის მოსამზადებლად დაგჭირდებათ შემდეგი ინგრედიენტები:
- კვერცხი 4 ცალი
- კარაქი 100 გრ
- შაქარი 150 გრ
- ფქვილი 150 გრ
- გამაფხვიერებელი 1 ჩ. კ.
- კაკაო (ნესკვიკი) 2 ს. კ.
- ნიგოზი 200-300 გრ
კრემის მოსამზადებლად დაგჭირდებათ შემდეგი ინგრედიენტები:
- მოხარშული შესქელებული რძე 200 გრ
- არაჟანი 20%-იანი ცხიმიანობის 400 გრ
- კაკაო (ნესკვიკი) 2 ს. კ.
მომზადების წესი:
- კვერცხი და შაქარი ათქვიფეთ, დაამატეთ დარბილებული კარაქი, კაკაო, ფქვილი და გამაფხვიერებელი.
- საცხობ ფორმას წაუსვით კარაქი და ცომი თანაბრად გაანაწილეთ. ღუმელი გააცხელეთ 180 გრადუს ტემპერატურაზე. გამოსაცხობად დასჭირდება 30 წუთი.
- ბისკვიტი გააგრილეთ და გაყავით 2 არათანაბარ ნაწილად. პატარა ფენა დატოვეთ ძირისთვის, ხოლო მეორე ნაწილი დაჭერით პატარა კუბიკებად.
- ამზადებთ კრემს: მოხარშული შესქელებული რძე, არაჟანი და კაკაო ათქვიფეთ მიქსერის მაქსიმალურ სიჩქარეზე. მიიღებთ უგემრიელეს ფაფუკ კრემს. შემდეგ შეურიეთ ბისკვიტის კუბუკები, დაჭრილი ნიგოზი და ნაზად აურიეთ. ნიგოზი მოიტოვეთ ზემოდან მოსაყრელად.
- მომზადებული მასა დაიტანეთ ბისკვიტზე და თანაბრად გაანაწილეთ და ზემოდან მოაყარეთ ნიგოზი.
- ტორტი მთელი ღამით შედეთ მაცივარში.
,,ნესკვიკი“ საოცრებაა! მოამზადეთ და ყველა გააოცეთ თქვენი კულინარიული ოსტატობით!
გემრიელად მიირთვით და ისიამოვნეთ!
