ფუმფულა, არომატული სანელებლებით შეზავებული და ჰაეროვანი ფუნთუშების მარტივი რეცეპტი ინგლისური სამზარეულოდან

0
210

შემოგთავაზებთ ფუმფულა, ჰაეროვანი, საოცრად არომატული სანელებლებით შეზავებული ფუნთუშების რეცეპტს ინგლისური სამზარეულოდან.

ფუნთუშების მოსამზადებლად დაგჭირდებათ შემდეგი ინგრედიენტები:

  • რძე (თბილი) 100 მლ
  • კეფირი (თბილი) 100 მლ
  • კვერცხი 1 ცალი
  • შაქარი 4 ს. კ.
  • ვანილის შაქარი 1 შეფუთვა
  • მარილი ნახევარი ჩ. კ.
  • კარაქი 40 გრ
  • ზეთი 1 ს. კ.
  • საფუარი 1 ჩ. კ.
  • ფქვილი 2,5-3 ჩ. ჭ.
  • ქიშმიში ნახევარი ჩ. ჭ.
  • სანელებლები: დარიჩინი, ილი, ჯავზი (თქვენი გემოვნებით)

მომზადების წესი:

  1. პირველ რიგში, ამზადებთ საფუარს. თბილ რძეს შეურიეთ საფუარი და გააჩერეთ. დაელოდეთ აფუებას.
  2. ქიშმიშს დაასხით ცხელი წყალი და გააჩერეთ 5 წუთი. შემდეგ წყალი გადაღვარეთ, ქიშმიში გააშრეთ ხელსახოცით, დააყერეთ ცოტა ფქვილი და აურიეთ.
  3. კარაქი გაადნეთ, დაამატეთ შაქარი, მარილი, ვანილის შაქარი, ზეთი, კვერცხი და ათქვიფეთ.
  4. საფუვრიან რძეს დაამატეთ თბილი კეფირი, ცოტა გაცრილი ფქვილი და აურიეთ.
  5. საფუვრიანი და კვერცხიანი მასები გააერთიანეთ. შემდეგ დაამატეთ სანელებლები, ფქვილი და მოზილეთ ცომი. ცომს ზელთ ხელით. ბოლოს შეურიეთ ქიშმიში.
  6. მიიღებთ რბილ ცომს. გამოხელეთ გუნდა, წაუსვით ზეთი, გადაიტანეთ თასში, გადააფარეთ ტილო და გააჩერეთ 1 საათი.
  7. საცხობ ფორმაზე დააფინეთ პერგამენტის ქაღალდი.
  8. ამოსული ცომი გაყავით 10-11 ნაწილად. გამოხელეთ თქვენთვის სასურველი ფორმის ფუნთუშები და დააწყვეთ საცხობ ფორმაზე.
  9. ფორმას გადააფარეთ ტილო და გააჩერეთ 15 წუთი.
  10. ფუნთუშებს გადაუსვით ათქვეფილი კვერცხის გული და ზემოდან მოაყარეთ შაქარი ან ყაყაჩოს თესლი.
  11. ღუმელი გააცხელეთ 180-200 გრადუს ტემპერატურაზე. როდესაც ფუნთუშები ოქროსფრად დაიბრაწება მზად არის.

მოამზადეთ არომატული, ფუმფულა ფუნთუშები და გემრიელად მიირთვით!