შემოგთავაზებთ შვრიის ფანტელებით მომზადებული დიეტური ორცხობილების რეცეპტს. დესერტის შემადგენლობაში არ შედის ფქვილი, შაქარი, ცხიმი.
100 გრ ორცხობილა შეიცავს 120 კკალ და 1,25 გრ ცხიმებს.
ორცხობილების მოსამზადებლად დაგჭირდებათ შემდეგი ინგრედიენტები:
- უცხიმო ხაჭო 250 გრ
- შვრიის ფანტელი 100 გრ
- ვაშლი 1 ცალი
- ბანანი 1 ცალი
- თაფლი 1 ს. კ.
- ლიმონის წვენი 1 ს. კ.
- მწიკვი მარილი
- გამაფხვიერებელი ნახევარი ჩ. კ. (შეგიძლიათ არ გამოიყენოთ)
მომზადების წესი:
- ხაჭოს დაამატეთ თაფლი, შვრიის ფანტელი, მარილი და აურიეთ. მომზადებული მასა გააჩერეთ 30 წუთი.
- ვაშლი გათალეთ და გახეხეთ მსხვილ სახეხზე და დაამატეთ ლიმონის წვენი.
- ბანანის რბილობი დაჭყლიტეთ და შეურიეთ ვაშლს.
- შემდეგ ხაჭოსა და ხილის მასები გააერთიანეთ.
- ღუმელი გააცხელეთ 180 გრადუს ტემპერატურაზე. საცხობ ფორმაზე დააფინეთ პერგამენტის ქაღალდი და მზა მასა კოვზით ან სველი ხელით მოათავსეთ საცხობ ფორმაზე. ორცხობილებს მიეცით თქვენთვის სასურველი ფორმა.
- გამოსაცხობად დასჭირდება 30 წუთი.
მოამზადეთ ოქროსფრად დაბრაწული არომატული ორცხობილები და გაილამაზეთ საუზმე.
გემრიელად მირთვით!
