შემოგთავაზებთ გემრიელი კერძის რეცეპტს. სასიამოვნო არომატის კომბინაციას იღებთ ბადრიჯნის, პამიდვრის, ნივრითა და მაიონეზით შეზავებული ყველის შერწყმით.
კერძის მოსამზადებლად დაგჭირდებათ შემდები ინგრედიენტები:
- 3 ცალი საშუალო ბადრიჯანი
- 150-200 გრ ყველი
- 3-4 კბილი ნიორი
- პამიდორი
- მაიონეზი და რეჰანი თქვენი გემოვნების მიხედვით
მომზადების წესი:
- ბადრიჯანი დაჭერით მრგვალად, დაახლოებით 2,5 სმ სისქის ნაჭრებად.
- თითოეული ნაჭერი ამოავლეთ ზეთში და დააწყვეთ საცხობ ფორმაზე.
- პამიდორი დაჭერით მრგვალ თხელ ნაჭრებად და დააწყვეთ ბადრიჯანზე.
- ყველი გახეხეთ წვრილ სახეხზე, დაამატეთ რამდენიმე კოვზი მაიონეზი და დაჭყლეტილი ნიორი.
- მზა მასა თანაბრად გაანაწილეთ პამიდვრის ნაჭრებზე. შეგიძლიათ ზემოდან მოაყაროთ წვრილად დაჭრილი რეჰანი.
- ღუმელი გააცხელეთ 200 გრადუს ტემპერატურაზე. როგორც კი ყველი ოქროსფრად დაიბრაწება კერძი მზად აარის. ფრთხილად გადმოიტანეთ ლანგარზე და სუფრასთან მიიტანეთ ცხელი.
გემრიელად მიირთვით!
