შემოგთავაზებთ პამიდვრის უგემრიელესი საწებლის რეცეპტს. სურნელოვანი, საოცრად არომატული საწებელი შეგიძლიათ გემრიელად მიირთვათ და გამოიყენოთ კერძების მოსამზადებლად.
მოცემული ინგრედიენტებით მოამზადებთ 3 ლიტრ საწებელს.
მოსამზადებლად დაგჭირდებათ შემდეგი ინგრედიენტები:
- პამიდორი 3 კგ
- ხახვი 300 გრ
- წითელი ბულგარული წიწაკა 500 გრ
- ცხარე წიწაკა 1-2 ცალი
- ნიორი 5-6 კბილი
- ზეთი ნახევარი ჩ. ჭ.
- ძმარი ნახევარი ჩ. ჭ.
- მარილი 2 ს. კ.
- შაქარი 2 ს. კ.
- სანელებლები თქვენი გემოვნების მიხედვით (ძალიან უხდება შავი და სურნელოვანი პილპილის მარცვლები)
მომზადების წესი:
- პამიდორი გარეცხეთ, დაჭერით და გაატარეთ.
- ხახვი, სტაფილო, ბულგარული წიწაკა, ცხარე წიწაკა, ნიორი გაატარეთ.
- გატარებული მასები გადაიტანეთ სქელძირიან ქვაბში, დაამატეთ მარილი, შაქარი, ზეთი და დადგით საშუალო ცეცხლზე. შიგადაშიგ მოურიეთ ხოლმე. ადუღების შემდეგ დაამატეთ ძმარი, თქვენთვის სასურველი სანელებლები და ადუღეთ კიდევ 1საათი.
- თუ თქვენ წმინდა პასტისებური მასა გსურთ, მაშინ დუღილის პროცესში რამდენიმე წამით დააბლენდერეთ. ამ შემთხვევაში საუკეთესო საშუალებაა ხელის ბლენდერი.
- მდუღარე მასა ჩაასხით გასტერილებულ ქილებში და დაახურეთ გასტერილებული ხუფები. ქილები დააწყვეთ თავდაყირა და გაგრილების შემდეგ თქვენს თაროებზე ლამაზად ჩაამწკრივეთ.
ხვავიან შემოდგომას და ზამთრის ბარაქიანად დახვედრას გისურვებთ!
