შემოგთავაზებთ ნაოჭების საწინააღმდეგო ხელნაკეთი ნიღაბის რეცეპტს. ნიღაბი ხსნის დაღლილობას, არბილებს კანს, ანიჭებს ელასტიურობას, ამცირებს ნაოჭებს, ატენიანებს და ჭიმავს კანს, აქვს ბოტოქსის ეფექტი.
ნიღაბის მოსამზადებლად დაგჭირდებათ შემდეგი ინგრედიენტები:
- სიმინდის სახამებელი 1 ს. კ.
- სტაფილოს წვენი 5 ს. კ.
- კარაქი 1 ს. კ.
- წყალი
მომზადებისა და გამოყენების წესები:
- სახამებელს დაასხით ცოტა წყალი, მოურიეთ და გააჩერეთ რამდენიმე წუთი.
- შემდეგ აადუღეთ 400 მლ წყალი.
- თბილი გადადუღებული წყალი ნელ-ნელა დაამატეთ სიმინდის სახამებელს, თან ურევთ განუწყვეტლივ. დადგით დაბალ ცეცხლზე, როდესაც მასა გახდება ბლანტი გადმოდგით ცეცხლიდან, არ აადუღოთ.
- გაგრილებულ ნარევს დაამატეთ სტაფილოს წვენი, კარაქი და კარგად აურიეთ.
- მომზადებული ნიღაბი გააჩერეთ ერთი დღე-ღამე. აუცილებლად შეინახეთ მაცივარში.
- ნიღაბის გამოყენებამდე სახე გაიწმინდეთ ტონიკით. შემდეგ დაიბანეთ თბილი წყლით და წაისვით ნიღაბი. სამოქმედოდ დაიტოვეთ 15-30 წუთი. ნარჩენები ჩამოიბანეთ თბილი წყლით. პროცედურის ბოლოს წაისვით დამატენიანებელი საცხი.
თავდაპირველად, ნიღაბი გაიკეთეთ ზედიზედ 3 დღე, ხოლო შემდეგ_ კვირაში 1-2-ჯერ.
