როგორ გავხადოთ თმა ორჯერ უფრო სქელი და მოცულობითი კეფირის დახმარებით

კეფირი სასწაულმოქმედი პროდუქტია, რომელიც თმის მოვლის საუკეთესო საშუალებად ითვლება და ეფექტურობით არ ჩამოუვარდება თმის ძვირადღირებულ ნიღბებს.

კეფირი ატენიანებს და ამაგრებს თმას, დადებითად მოქმედებს თავის კანზე, მოგაშორებთ ქერტლს, აფერხებს თმის ცვენას და მატებს მოცულობას.

შემოგთავაზებთ კეფირის ბაზაზე მომზადებული სხვადასხვა დანიშნულების ნიღბების რეცეპტებს.

1. დამატენიანებელი ნიღაბი

მოცემული რეცეპტის მიხედვით მომზადებული ნიღაბი კვებავს და ატენიანებს გამომშრალ თმას.

მოსამზადებლად დაგჭირდებათ შემდეგი ინგრედიენტები:

• კეფირი 5 ს. კ.
• 1 ცალი კვერცხის გული

მომზადებისა და გამოყენების წესები:

კეფირი შეათბეთ ორთქლის აბაზანაზე, შეურიეთ ათქვეფილი კვერცხის გული. ნიღაბი დაიტანეთ თავის კანზე. კარგად შეიზილეთ თმის ძირებზე და თანაბრად გაინაწილეთ მთელ სიგრძეზე. შემდეგ დაიხურეთ შხაპის ქუდი და შემოიხვიეთ პირსახოცი. ნიღაბი სამოქმედოდ დაიტოვეთ 1 საათი. პროცედურის ბოლოს თმა ჩვეულებრივი წესის მიხედვით დაიბანეთ.

2. გამაძლიერებელი ნიღაბი

დასუსტებული და შეთხელებული თმის ნიღაბის მოსამზადებლად დაგჭირდებათ შემდეგი ინგრედიენტები:

• 1 ცალი კვერცხის გული
• კეფირი 5 ს. კ.
• დაფქული დარიჩინი 2 ს. კ.

მომზადებისა და გამოყენების წესები:

კეფირი შეათბეთ ორთქლის აბაზანაზე, დაამატეთ ათქვეფილი  კვერცხის გული, დარიჩინი და აურიეთ. მომზადებული მასა წაისვით თავის კანზე და გაინაწილეთ თმის მთელ სიგრძეზე. დაიხურეთ შხაპის ქუდი და სამოქმედოდ დაიტოვეთ 40 წუთი. პროცედურის ბოლოს თმა ჩვეულებრივი წესის მიხედვით დაიბანეთ.

3. ქერტლის საწინააღმდეგო ნიღაბი

მოსამზადებლად დაგჭირდებათ შემდეგი ინგრედიენტები:

• კეფირი 1 ჭიქა
• შავი პური 100 გრ
• ზეითუნის ზეთი 1 ჩ. კ.

მომზადებისა და გამოყენების წესები:

შავ პურს დაასხით კეფირი და გააჩერეთ 10 წუთი. შემდეგ დაამატეთ ზეითუნის ზეთი და კარგად აურიეთ. მომზადებული მასა შეიზილეთ მხოლოდ თმის ძირებზე და შემოიხვიეთ ცელოფანი. სამოქმედოდ დაიტოვეთ 20 წუთი. პროცედურის ბოლოს თმა ჩვეულებრივი წესის მიხედვით დაიბანეთ.

4. ნიღაბი თმის სწრაფი ზრდისთვის

მოსამზადებლად დაგჭირდებათ შემდეგი ინგრედიენტები:

• კეფირი 3 ს. კ.
• თალგამის ზეთი 1 ს. კ.

მომზადებისა და გამოყენების წესები:

ოთახის ტემპერატურის კეფირს შეურიეთ თალგამის ზეთი.  მომზადებული მასა შეიზილეთ თმის ძირებზე და გაინაწილეთ მთელ სიგრძეზე. დაიხურეთ შხაპის ქუდი და დაითბუნეთ პირსახოცით. ნიღაბი სამოქმედოდ დაიტოვეთ 30 წუთი. პროცედურის ბოლოს თმა ჩვეულებრივი წესის მიხედვით დაიბანეთ.

ფერმენტირებული რძის პროდუქტების საფუძველზე მომზადებული ნიღბების ერთადერთი წუნი არის უსიამოვნო სუნი. თუ შამპუნით ვერ შეძლებთ უსიამოვნო სუნის აღმოფხვრას,  გადაივლეთ 1 ლ თბილი წყლისა 1 ს. კ. ლიმონის წვენის ნარევი.

ასე რომ, ნუ გადაიხდით ზედმეტს, გამოიყენეთ კეფირის ბაზაზე მომზადებული ხელნაკეთი ნიღბები და შედეგად მიიღეთ ლამაზი, სქელი და გრძელი თმა!