შემოგთავაზებთ მაიონეზით მომზადებული ცომის რეცეპტს, რომლითაც შეგიძლიათ მოამზადოთ უგემრიელესი, ფუმფულა ფუნთუშები ან სხვა დესერტები.
საფუვრიანი მასა ამოდის სწრაფად. ცომი გამოდის ჰაეროვანი, ნაზი და არომატული.
ცომის მოსამზადებლად დაგჭირდებათ შემდეგი ინგრედიენტები:
- რძე 1 ლ
- სველი, დაწნეხილი საფუარი 70 გრ
- კვერცხი 4 ცალი
- შაქარი 2 ჩ. ჭ.
- მაიონეზი 200 გრ
- ფქვილი 2 კგ
- ვანილის შაქარი 1 შეფუთვა
მომზადების წესი:
- პირველ რიგში, ამზადებთ საფუარს. საფუარი დაჭერით და ჩაყარეთ ღრმა თასში, დაამატეთ ჩაის კოვზი შაქარი, 4 ს. კ. თბილი რძე და აურიეთ. საფუარი 15-20 წუთით დადეთ სითბოში.
- ცომის მოსამზადებლად დაგჭირდებათ ღრმა თასი. კვერცხი და შაქარი ათქვიფეთ მიქსერის მაქსიმალურ სიჩქარეზე. შემდეგ შეურიეთ მაიონეზი, ვანილის შაქარი, საფუარი და თბილი რძე.
- ნაწილ-ნაწილ შეაზილეთ გაცრილი ფქვილი. 10-15 წუთის განმავლობაში ზელთ ხელით. თასს გადააფარეთ ტილო და დადეთ სითბოში.
მოცემული ცომით შეგიძლიათ მოამზადოთ სხვადასხვა ფორმის ფუმფულა ფუნთუშები. გსურთ, დაამატეთ ქიშმიში. ზემოდან გადაუსვით ათქვეფილი კვერცხისა და სუფრის კოვზი რძის ნარევი. ოქროსფრად დაბრაწული ფუნთუშები დაფარეთ შაქრის ფხვნილით.
ასევე, შეგიძლიათ მოამზადოთ დარიჩინიანი ფუნთუშები.
შეგიძლიათ გამოიყენოთ თქვენთვის სასურველი შიგთავსი და მოამზადოთ ფუნთუშები ვაშლის ან შინდის ჯემით, ან შოკოლადით. ეს უკვე თქვენს ფანტაზიაზე და საყვარელი ადამიანების გემოვნებაზე არის დამოკიდებული.
გემრიელად მიირთვით!
