შემოგთავაზებთ უგემრიელესი და მოსამზადებლად უმარტივესი სალათის რეცეპტს.
მოსამზადებლად დაგჭირდებათ შემდეგი ინგრედიენტები:
- ლორი 150 გრ
- ყველი 100 გრ
- კარტოფილი 2-3 ცალი
- კვერცხი 3 ცალი
- ქამა სოკო 100 გრ
- ხახვი 1 თავი
- სტაფილო 2 ცალი
- მაიონეზი
- მარილი
- მწვანილი მოსართავად
მომზადების წესი:
- ყველა ინგრედიენტს ამზადებთ ცალ-ცალკე ჭურჭელში.
- კარტოფილი მოხარშეთ და გახეხეთ მსხვილ სახეხზე.
- სტაფილო მოხარშეთ და გახეხეთ მსხვილ სახეხზე.
- ხახვი დაჭერით წვრილად, დაასხით ცოტა ზეთი და მოთუშეთ. შემდეგ დაამატეთ პატარა ნაჭრებად დაჭრილი სოკო, მარილი. აურიეთ და თუშეთ მომზადებამდე.
- კვერცხი მოხარშეთ და გახეხეთ მსხვილ სახეხზე.
- ლორი დაჭერით პატარა ნაჭრებად.
- ყველი გახეხეთ მსხვილ სახეხზე.
- სალათის მოსამზადებლად აიღეთ თქვენთვის სასურველი ფორმის ლანგარი და ინგრედიენტები გაანაწილეთ ქვემოთ მოცემული თანმიმდევრობის მიხედვით. ყველა ფენას გადაუსვით ცოტა-ცოტა მაიონეზი.
- იწყებთ კარტოფილით, შემდეგ სოკო, კვერცხი, ლორი, სტაფილო და ბოლოს მოაყარეთ ყველი. კიდევ ერთხელ შეგახსენებთ, რომ ყველა ფენას მოაყარეთ ცოტა მარილი და თხლად გადაუსვით მაიონეზი. ბოლოს მოაყარეთ წვრილად დაჭრილი მწვანილი ან გააფორმეთ თქვენი გემოვნების მიხედვით.
გემრიელად მიირთვით!
