გიოცნებიათ ისეთი საშუალების პოვნაზე, რომელიც წონის დაკლებაში დაგეხმარებოდათ ვარჯიშის და დიეტის გარეშე? მაშინ ეს პროდუქტები სწორედ თქვენთვისაა. ჯანჯაფილი ერთ-ერთი ყველაზე ძლიერი ხსნაა წონაში კლების მსურველებისათვის. თუმცა, ეს მისი დადებითი თვისებებიდან მხოლოდ ერთ-ერთი ასპექტია. თანაც, იგი ყველას აქვს სამზარეულოში.
ჯანჯაფილის გამოყენების ყველაზე მარტივი ხერხი წონაში დასაკლებად სწორედ ჯანჯაფილის ჩაის დალევაა. თქვენ მოგიწევთ მისი დაჭრა დაახლოებით 5 სანტიმეტრის სიგრძის ფესვებად. შემდეგ ისინი უნდა ადუღოთ 1 ლიტრა წყალში 10-15 წუთის განმავლობაში და შემდეგ გაწუროთ. საუკეთესო შედეგს მიიღებთ მაშინ, თუკი ამ სასმელს ყოველი ჭამის წინ დალევთ.
კანის გაუმჯობესება
საკმაოდ მარტივია სახლში დაამზადოთ თქვენი სახისა და ტანის საწმენდი საშუალებები, რაშიც ჯანჯაფილის ნატურალური სტრუქტურა საკმაოდ გეხმარებათ. მას იდეალური ასპექტები გააჩნია იმისათვის, რომ მოგაშოროთ მკვდარი კანის უჯრედები. შეურიეთ იგი მკვრივ თაფლს და ისიამოვნეთ მისი საშუალებით კანის გაწმენდით, სასიამოვნო სურნელთან ერთად.
ჯანჯაფილი ასევე ერთ-ერთი ბუნებრივი ანტი-ანთებითი საშუალებაა, რაც გაუხეშებულ კანს საკმაოდ ამშვიდებს. ასევე აუმჯობესებს სისხლის მიმოქცევასაც. მასში არსებული ანტიოქსიდანტი ჯინჯეროლის წყალობით შეგიძლიათ ებრძოლოთ შრამებს, დაბერების სიმპტომებსა და მსგავს უსიამოვნო დეტალებსაც. ამისათვის შეურიეთ დაფქვილი ჯანჯაფილი ყინულის ნამსხვრევებს და დაიდეთ კანზე კვირაში ერთხელ.
ტკივილის გაყუჩება
როდესაც კუნთები დაგეჭიმებათ ან არასასიამოვნო პოზაში ჩაგეძინებათ, დაუმატეთ ჯანჯაფილის ზეთი თქვენს აბაზანას. ასევე შეგიძლიათ დაზიანებული ადგილის ზედაპირზე წაისვათ ოდნავ გამთბარი ჯანჯაფილის პასტა ყველაზე ეფექტური ტკივილის გამაყუჩებელი ეფექტის მისაღებად. ასევე ერთი კოვზი ჯანჯაფილის ფქვილის ჭამა პერიოდის დაწყებისას საკმაოდ ამცირებს მენსტრუალურ ტკივილებსაც.
თმის მოვლა
სქელი და აბურდული თმის ღერები გაწუხებთ? ამ დროს სრულიად არ გჭირდებათ ძვირიანი ტროპიკული შამპუნები. ჯანჯაფილის ნატურალური ძალები დაგეხმარებათ მკვრივი, ჯანსაღი თმის შენარჩუნებაში. შეურიეთ დაფქვილი ჯანჯაფილი წყალს და ჩაასხით ბოთლში, რომლის საშუალებითაც მას პირდაპირ დაზიანებული თმის ძირებსა და თავის ქალაზე დაისხავთ. თქვენი თმა ამ უნიკალური ხერხის გამოყენებით უფრო სწრაფად გაიზრდება და შედარებით უფრო ჯანსაღი იქნება.
ებრძოლეთ გულისრევას
მნიშვნელობა არ აქვს იმას, თუ საიდან გაგიჩნდათ ეს პრობლემა. თქვენ შეიძლება მოძრაობის, ორსულობით გამოწვეული პრობლემების ან შფოთვის გამო გაწუხებდეთ ღებინების შეგრძნება, რის დროსაც ნებისმიერ შემთხვევაში ჯანჯაფილი მხსნელად მოგევლინებათ. დამტკიცებულია, რომ ჯანჯაფილის ძირები ერთდროულად ამცირებს ღებინების სიხშირესა და სერიოზულობასაც, რის გამოც იგი გულისრევის ნატურალურ მკურნალად ითვლება.
