როგორ მოვამზადოთ იდეალური ფლოვი

არსებობს იდეალური ფლოვის მომზადების რამდენიმე ოქროს წესი:

  • სტაფილო გრძელ და წვრილ ზოლებად უნდა დაჭრათ, ოღონდ არავითარ შემთხვევაში არ დახეხოთ. ნუ შეუშინდებით ნაჭრების სიგრძეს – რაც უფრო გრძელია სტაფილოს ზოლი, მით უფრო გემრიელია ფლოვი.
  • საუკეთესო ჭურჭელი ფლოვისთვის არის სქელი თუჯის ქვაბი, ღრმა და სქელძირიანი ტაფა, თუჯის ვოკი. ნებისმიერ შემთხვევაში, მჭიდროდ დახურებადი თავსახურით.
  • მარილი და სანელებლები, უმჯობესია, ზირვაკის(ასე უწოდებენ აღმოსავლეთში ხორცის, სტაფილოსა და ხახვის საწყის მასას) მომზადების შუა პროცესში დაუმატოთ.
  • როგორც არ უნდა გინდოდეთ თავსახურის მოხსნა და ქვაბში ჩახედვა, არ გააკეთოთ ეს, სანამ რეცეპტი არ მოგცემთ ამის უფლებას. არავითარ შემთხვევაში არ შეურიოთ ხორცი და ბრინჯი ქვაბში, მომზადების პროცესში. ეს მხოლოდ სუფრაზე გატანის დროს გააკეთეთ.
  • თუ არ გეჩქარებათ, შეახვიეთ ფლოვის ქვაბი საბანში და გააჩერეთ 30-60 წუთით – იგი უფრო გემრიელი გახდება.

უზბეკური ფლოვის რეცეპტი

1. გაცხელებულ მცენარეულ ზეთში ჩაყარეთ დაჭრილი ხახვი. შეწვით ოქროსფრამდე.

2. დაუმატეთ დიდ კუბებად დაჭრილი საქონლის ხორცი და გრძლად დაჭრილი სტაფილო.

3. დაუმატეთ მარილი და კარგად შეწვით. დაასხით ადუღებული წყალი ისე, რომ სტაფილო 3-4 სმ-თი დაიფაროს.

4. შეამცირეთ ცეცხლი და ხარშეთ ზირვაკი ნელ ცეცხლზე. საკუთარი გამოცდილებით გეტყვით – რაც უფრო დიდხანს იხარშება იგი, მით უფრო გემრიელი და არომატული გამოდის ფლოვი.

5. ბრინჯი – მნიშვნელოვანი კომპონენტია. იყიდეთ მყარი სახეობის პროდუქტი. წინასწარ ჩალბობა აუცილებელი არაა, თუ ფხვიერი კონსისტენციის ფლოვი გიყვართ. უბრალოდ გადაარჩიეთ და კარგად გარეცხეთ.

6. სანამ ბრინჯს ჭურჭელში ჩაყრით, გასინჯეთ ზირვაკი მარილზე. იგი უფრო მეტი უნდა იყოს, ვიდრე გემოს სჭირდება. ანუ, ზედმეტი მარილი უნდა ჰქონდეს, რადგან ბრინჯი მას კარგად იწოვს. წინააღმდეგ შემთხვევაში, ფლოვი დაპრესილი გამოვა.

7. ჩაყარეთ ბრინჯი თანაბრად და ფრთხილად დაასხით მდუღარე წყალი ისე, რომ ბრინჯი 2 სმ-თუ გადაფაროს. მოუმატეთ ცეცხლს და დაელოდეთ, სანამ ბრინჯი წყალს შეიწოვს. შემდეგ ბრინჯის მასა “ამოთხარეთ” ჭურჭლის ფსკერამდე. ეს იმისთვის, რომ წყალი უფრო სწრაფად შეიწოვოს და ზირვაკი არ მიიწვას. ჩახედეთ თხრილების შიგთავსს, არ დაგავიწყდეთ მათი პერიოდულად ამოთხრა. თუ შიგთავსი მასში მუქი ფერისაა, ესე იგი წყალი ბოლომდე არ ადუღებულა, ხოლო სითხე ელვარებს – ეს ზეთია. ესე იგი, შეგიძლიათ ცეცხლი თამამად შეამციროთ მინიმუმამდე, ბრინჯის გორა გააკეთოთ, ზემოდან კი ზირაკი მოაყაროთ და დაახუროთ თავსახური.

8. ჩაინიშნეთ დრო – 20 წუთი. მე მხოლოდ 15 წუთით ვტოვებ ხოლმე ნელ ცეცხლზე. მერე ქვაბს გადმოვდგამ, კარგად ვურევ და ისევ ვდგამ კიდევ 10 წუთით.

უზბეკური ფლოვი მზადაა.

სურვილისამებრ, ფლოვს უმატებენ ნიორს, კოწახურის, თხილს, კომშს. შემოდგომასთან ერთად კი კავატაკს(ტოლმას) აკეთებენ. ესაა უზბეკური ფლოვი, გახვეული ვაზის ფოთოლში.

LEAVE A REPLY

Please enter your comment!
Please enter your name here