ვარჯიშები, რომლებიც ზურგის გასაჭიმად ხშირად უნდა შეასრულოთ

0
917

დღის განმავლობაში ნაკლებად მოძრავი ცხოვრების წესი და სხეულის არასწორი მდგომარეობა ხერხემლის სხვადასხვა დაავადებებს იწვევს. სტატისტიკის თანახმად, დედამიწის მოსახლეობის თითქმის ნახევარს ზურგის ესა თუ ის პრობლემა აწუხებს.

ჩვენ კომპიუტერის მაგიდასთან სულ უფრო მეტ დროს ვატარებთ და სულ უფრო ნაკლებს ვსეირნობთ და ვარჯიშობთ. პრობლემა იმაშია, რომ სხეული მუდმივი ჯდომისთვის არ არის შექმნილი. კვლევის შედეგები აჩვენებს, რომ დროის ასე გატარება სიცოცხლის ხანგრძლივობას მნიშვნელოვნად ამცირებს. სწორედ ამიტომ, მნიშვნელოვანია ბევრი იმოძრაოთ და ზურგის კუნთების გამაძლიერებელი ვარჯიშები შეასრულოთ.

შემოთავაზებული ვარჯიშები შესანიშნავი თერაპიაა, ზურგის კუნთებს მხარს უჭერს და ჭიმავს. ვარჯიშის გეგმა შეგიძლიათ სახლში ან სამსახურში შეასრულოთ. დღეში მხოლოდ 7 წუთი საკმარისია, რომ ზურგის ჯანმრთელობაზე იზრუნოთ და ხერხემლის ტკივილი და დისკომფორტი მოიშოროთ!

ვარჯიშები ზურგის გასაჭიმად

1. ზურგზე დაწექით, მარჯვენა ფეხი ზემოთ ასწიეთ და ხელებით თანაბრად გააჩერეთ. ამ პოზაში 20 წამით გაჩერდით, შემდეგ იგივე მოქმედება მეორე ფეხით შეასრულეთ.

2. ზურგზე დაწექით და მარცხენა მუხლი მოხარეთ. ნელ-ნელა მარჯვენა მხარეს გადაიტანეთ და მარჯვენა ხელი იატაკს მიაბჯინეთ. მარცხენა ხელი და მხარი იატაკს არ უნდა ეხებოდეს. ამ პოზაში 30 წამით გაჩერდით.

მოდუნდით და მეორე ფეხზე გაიმეორეთ. ვარჯიში თითოეულ მხარეს 2-3-ჯერ უნდა შეასრულოთ. ვარჯიში ნელა, მკვეთრი მოძრაობის გარეშე შეასრულეთ. თუ მოძრაობა ტკივილს იწვევს, მობრუნების კუთხე შეამცირეთ.

3. ზურგზე დაწოლილ მდგომარეობაში ფეხები მოხარეთ, ერთი მუხლი ასწიეთ და მკერდთან რაც შეიძლება ახლოს მიიტანეთ. ნახევარი წუთით ამ პოზაში გაჩერდით, შემდეგ იგივე მეორე ფეხით შეასრულეთ. ვარჯიში თითოეულ ფეხზე 5-ჯერ გაიმეორეთ.

4. დაწექით ზურგზე, ფეხები მუხლებში მოხარეთ, ერთი ფეხი ასწიეთ და ქუსლი მეორე ფეხის მუხლს დაადეთ. კოჭს ხელი მოკიდეთ და ნელ-ნელა მკერდისკენ მისწიეთ. ნახევარი წუთით ამ პოზაში გაჩერდით. შემდეგ მოძრაობა მეორე ფეხით შეასრულეთ. ვარჯიში თითოეულ ფეხზე 3-ჯერ გაიმეორეთ.

5. ხელები ერთი ფეხის მუხლს დაადეთ, მეორე ფეხი უკან გასწიეთ ისე, როგორც სურათზეა ნაჩვენები. ზურგი გამართული გქონდეთ და ამ პოზაში 30 წამით გაჩერდით. ვარჯიში მეორე ფეხზე გაიმეორეთ.

6. გვერდზე დაწექით, ზედა ფეხი კოჭით დაიჭირეთ და უკან გასწიეთ. 30 წამით გაწელეთ, შემდეგ მეორე მხარეს გაიმეორეთ. ვარჯიში ბარძაყების კუნთებს კარგად ჭიმავს.

7. მდგომარე პოზაში წელის სიმაღლეზე საყრდენი იპოვეთ. შემდეგ წინ დაიხარეთ. ამ პოზაში 30 წამით გაჩერდით. ცოტა ხნით შეისვენეთ და გაიმეორეთ. ასეთი ვარჯიში ხერხემალს შესანიშნავად წელავს.

ახლა უკვე იცით, როგორ მოიშოროთ ზურგის ტკივილი. ვარჯიშები საკმაოდ მარტივი, მაგრამ ეფექტურია. ვარჯიშები შეასრულეთ როგორც კი დისკომფორტს იგრძნობთ. უმჯობესი იქნება, თუ ყოველდღიურ გაწელვებს დაუმატებთ.

თითოეული ვარჯიში ნელა, მკვეთრი მოძრაობის გარეშე შეასრულეთ, ეცადეთ კუნთები კარგად გაჭიმოთ. მთავარია – რეგულარულად შესრულება! ძლიერი და ჯანსაღი ზურგი ცხოვრების ხარისხს მნიშვნელოვნად გააუმჯობესებს.

LEAVE A REPLY

Please enter your comment!
Please enter your name here