შემოგთავაზებთ ხაჭოს დესერტის რეცეპტს. ეს გემრიელობა შეგიძლიათ თამამდ მიირთვათ ნებისმიერ დროს, რადგან არ შეიცავს ფქვილსა და შაქარს. ეს სწორედ ის იშვიათი შემთხვევაა, როდესაც გემრიელი, სასარგებლოცაა.
დესერტის მოსამზადებლად დაგჭირდებათ:
- 250 გრ ხაჭო
- 100 მლ რძე
- 2 კვერცხი
- 2 ბანანი
- ვანილი
- დარიჩინი (გემოვნებით)
მომზადების წესი:
- კვერცხის გული და ცილა გამოყავით. ათქვიფეთ ხაჭო, რძე, ბანანი და კვერცხის გულები. უმჯობესია, თუ ხელის ბლენდერს გამოიყენებთ. მიიღებთ სქელი არაჟნის სისქის მასას.
- ცალკე თასში ათქვიფეთ კვერცხის ცილა და ნელ-ნელა შეურიეთ ხაჭოიან მასას. მზა მასა გადაიტანეთ სილიკონის ფორმაში და გამოაცხვეთ 160-170 გრადუს ტემპერატურაზე. გამოსაცხობად დასჭირდება 35 წუთი.
გააგრილეთ, ზემოდან თხლად გდაუსვით ცოტა თაფლი და გემრიელად მიირთვით.
