ჰერპესი ვირუსული ინფექციაა, რომლითაც მსოფლიოს მოსახლეობის 90%-მდე არის ინფიცირებული. ვირუსი ბუდობს ადამიანის ორგანიზმში და პერიოდულად პატარა ბუშტუკების სახით ვლინდება. ყველაზე ხშირად კი ტუჩის ჰერპესი ვლინდება.
შემოგთავაზებთ ჰერპესის საწინააღმდეგო ხალხურ რეცეპტებს. გჭირდებათ უმარტივესი, ყველასთვის ხელმისაწვდომი ინგრედიენტები.
- აადუღეთ 100 მლ წყალი, დაამატეთ 1 ს. კ. საკვები სოდა, მოურიეთ და გადმოდგით ცეცხლიდან. მომზადებული ნარევით გააჯერეთ ბამბის ტამპონი და დაიდეთ მტკივნეულ ადგილზე.
- მარილი ჰერპესის სამკურნალოდ საუკეთესო საშუალებაა. მტკივნეულ ადგილზე დაიყარეთ ცოტა მარილი. შემდეგ დაიბანეთ თბილი წყლით. სამკურნალო პროცედურა დღეში რამდენჯერმე გაიმეორეთ.
- კვერცხის ნაჭუჭს შიგნიდან აქვს თხელი აპკი, რომელიც ანთების საწინააღმდეგო ბუნებრივი საშუალებაა. ნაჭუჭს ფრთხილად მოაშორეთ აპკი და დაიდეთ მტკივნეულ ტუჩზე.
- ნიორი უძლიერესი ანტივირუსული საშუალებაა. 2 კბილი ნიორი დაჭერით წვრილად, შეურიეთ 1 ს. კ. არაჟანი, 1 ს. კ. ხორბლის ფქვილი და 1 ს. კ. თაფლი. მიიღებთ ჰერპესის საწინააღმდეგო სუპერ საშუალებას. კრემი რეგულარულად წაისვით ბუშტუკზე.
- ჰერპესის სამკურნალოდ შეგიძლიათ გამოიყენოთ სოჭის ან ჩაის ხის ეთერზეთი. თქვენთვის ხელმისაწვდომი ეთერზეთის რამდენიმე წვეთი წაისვით ყოველ 2 საათში. შეიძლება იგრძნოთ მსუბუქი ჩხვლეტა.
- პროპოლისი დღის განმავლობაში 2-3-ჯერ წაისვით ჰერპესზე. პროპოლისის შემდეგ აუცილებლად წაისვით გვირილის ან გულყვითელას საცხი.
გისურვებთ ჯანმრთელობას!
