შემოგთავაზებთ საოცრად გემრიელი, ნაზი და ფხვიერი ორცხობილების, ,, ყავის მარცვლების“, რეცეპტს. ყავის, კაკაოსა და რძის არომატით გაჯერებული პატარა და საყვარელი ორცხობილები ყველას გააოცებს.
ცომის მოსამზადებლად დაგჭირდებათ შემდეგი ინგრედიენტები:
- რძე 4 ს. კ.
- ხსნადი ყავა 5 ს. კ.
- კარაქი 200 გრ
- ნაღები 30%-იანი 200 გრ
- შაქარი 250 გრ
- კაკაო 3 ს. კ.
- ფქვილი 650 გრ
მომზადების წესი:
- ყავა გახსენით ცხელ რძეში, დაამატეთ კარაქი, შაქარი, ნაღები, კაკაო და აურიეთ. გააგრილეთ, ნელ-ნელა შეაზილეთ გაცრილი ფქვილი და მოზილეთ ცომი.
- ცომისგან გამოხელეთ პატარა, ალუბლის ზომის, ბურთულები და ოდნავ ოვალის ფორმა მიეცით. შემდეგ კბილის ჩხირით შუაში აკეთებთ გრძივ ჩაღრმავებას.
- მომზადებული ყავის მარცვლები, ჩაღრმავებული ზედაპირით ზემოთ, დააწყვეთ საცხობ ფორმაზე. ღუმელი გააცხელეთ 180 გრადუს ტემპერატურაზე. გამოსაცხობად დასჭირდება 12-15 წუთი.
მოამზადეთ უგემრიელესი ორცხობილები და გააოცეთ თქვენი საყვარელი ადამიანები. გემრიელად მიირთვით და ისიამოვნეთ!
