შემოგთავაზებთ ფუმფულა და უგემრიელესი ფუნთუშების რეცეპტს, რომელსაც განუმეორებელ არომატს ჰმატებს ვაშლი. რამდენიმე წუთში შეძლებთ მოსამზადებლად უმარტივესი ფუნთუშებით პირის ჩატკბარუნებას.
ფუნთუშების ცომის მოსამზადებლად დაგჭირდებათ შემდეგი ინგრედიენტები:
- ფქვილი 500 გრ
- შაქარი 120 გრ
- კვერცხი 4 ცალი
- მარგანინი ან კარაქი 200 გრ
- ვანილი
- გამაფხვიერებელი 1 შეფუთვა
- ვაშლი 4 ცალი
მომზადების წესი:
- კვერცხი და შაქარი ათქვიფეთ, დაამატეთ ვანილი, გამაფხვიერებელი, გამდნარი მარგანინი და აურიეთ. შემდეგ თანდათან შეაზილეთ ფქვილი და ბოლოს შეურიეთ პატარა კუბიკებად დაჭრილი ვაშლი.
- საცხობ ფორმაზე დააფინეთ პერგამენტის ქაღალდი. მომზადებული ცომის თითო-თითო სუფრის კოვზი დადეთ საცხობ ფორმაზე, დაიცავით მანძილი, რადგან ცომი მოცულობაში იმატებს.
- ღუმელი გააცხელეთ 200 გრადუს ტემპერატურაზე. გამოსაცხობად დასჭირდება 10-15 წუთი.
ოქროსფრად დაბრაწული ფუნთუშები გააგრილეთ, დაფარეთ შაქრის ფხვნილით და გემრიელად მიირთვით ჩაისთან ერთად.
