ერთხელ, აგარაკზე დასვენებისას დავინახე, რომ მეზობელი მურაბას ხურავდა. ერთი შეხედვით უცნაური არაფერია, მაგრამ მურაბის ფერი მწვანე იყო. დიდხანს ვიფიქრე, თუ რისი მურაბა იყო, რომ ასეთი გაჯერებული ფერის გამოვიდა. ვიფიქრე-ვიფიქრე და ბოლოს გადავწყვიტე, მეკითხა. ასე გავიგე პიტნის და ლიმონის ჯემის რეცეპტი.
თავიდან ერთი ქილის მომზადება გადავწყვიტე, ახლა კი უკვე მე-3 წელია ვამზადებ. დღეს რედაქცია ამ რეცეპტს თქვენ გიზიარებთ.
პიტნის მურაბა
ინგრედიენტები:
- 1 ლ წყალი
- 200 გრ პიტნა
- 1 ლიმონი
- 2 ჭიქა შაქარი
- 1 პაკეტი ნებისმიერი ჟელეს საშუალება
- მწვანე საკონდიტრო საღებავი
მომზადება:
1. თავდაპირველად, პიტნის ფოთლები მოამზადეთ. ტოტები გარეცხეთ და გააშრეთ, შემდეგ ღეროებთან ერთად დაჭერით.
2. ლიმონი გარეცხეთ და ნახევარ რგოლებად ან კუბებად დაჭერით. პიტნა და ლიმონი მდუღარე წყლით სავსე ქვაბში ჩადეთ.
3. პერიოდულად აურიეთ, პიტნა და ლიმონი დაახლოებით 20 წუთით ხარშეთ. შემდეგ პიტნის ნახარში საწურში გადაწურეთ. რეკომენდებულია ნახარში 2-ჯერ გადაწუროთ, რომ სრულად გამჭვირვალე გახდეს. შეგიძლიათ მარლა გამოიყენოთ.
4. სუფთა, გაწურული სიროფი კვლავ ქვაბში ჩაასხით და შაქარი დაუმატეთ. კიდევ 20-30 წუთით ხარშეთ. რაც უფრო დიდხანს ხარშავთ, მით უფრო სქელ მურაბას მიიღებთ.
5. შემდეგ ჟელე დაუმატეთ, რომელიც მაღაზიებში იყიდება სახელით „ჯელფიქსი“ ან „ჯელინკა“. შეგიძლიათ აგარ-აგარი გამოიყენოთ. ხარშვის ბოლოს დაუმატეთ, კარგად აურიეთ და მურაბა კიდევ 2 წუთით ხარშეთ.
6. თავად მურაბის ფერი არც თუ ისე ლამაზი გამოდის, ამიტომ შეგიძლიათ საღებავი გამოიყენოთ. ასე მურაბა ღია ზურმუხტისფერი გახდება. ახლა მურაბა სტერილურ ქილებში მოხუფეთ და ზამთრისთვის შეინახეთ.
აი, ასე მოვხარშე ერთი ქილა მურაბა საცდელად და სასარგებლო და გემრიელი ტკბილეულის საუკეთესო ვარიანტი აღმოვაჩინე. ახლა ზამთრისთვის რამდენიმე ქილას ვამზადებ, რადგან ეს არა უბრალოდ მურაბა, არამედ გემრიელი სამკურნალო საშუალებაა!
