შემოგთავაზებთ ბუნებრივი იგრედიენტებით გაჯერებული საშუალებების რეცეპტებს, რომლებიც გაგათავისუფლებთ მკერდისა და ყელის მიდამოებში გაჩენილი ნაოჭებისგან.
ნაოჭები სხეულის ამ ნაწილებზე ბევრად უფრო ადრე ჩნდება, ვიდრე სახის კანზე, ამიტომ მათ მეტი ყურადღება უნდა მიაქციოთ, რათა თავიდან აიცილოთ აბეზარი ნაოჭები.
მკერდისა და ყელის მიდამოებში ნაოჭების გაჩენა შეიძლება გამოიწვიოს გვერდზე წოლამ. გირჩევთ, შეარჩიოთ ისეთი მდგომარეობა, რომ დატვირთვა არ მოდიოდეს სხეულის ამ ნაწილებზე.
ადამიანთა უმეტესობა ნაკლებ ყურადღებას აქცევს ყელის, მკერდის ზონას და მაშინაც კი ავიწყდებათ მათი არსებობის შესახებ, როდესაც სახის კანზე მალამოს ისვამენ. და სწორედ, ამიტომ რჩება ეს უბანი დატენიანებისა და მკვებავი ნივთიერებების გარეშე.
სხვადასხვა მიზეზთა შორის, რომლებიც ხელს უწყობს სახის კანის ნაადრევ დაბერებას, უძლიერეს ზემოქმედებას იწვევს მზის ულტრაიისფერი სხივები, ამიტომ გირჩევთ, მზეზე გასვლამდე აუცილებლად წაისვათ სახის კანზე, მკერდასა და ყელზე მზის დამცავი მალამო.
ალოე ვერა და ზეითუნის ზეთი-ორი უძლიერესი პროდუქტი, რომლებიც გაგიქრობთ და შეგიმცირებთ ნაოჭებს ყელის, სახისა და მკერდის მიდამოებში
ალოე შეიცავს მჟავას, რომელიც აუმჯობესებს კანის ელასტიურობას. შეგიძლიათ გამოიყენოთ ალოე ვერას მალამო ან პირდაპირ ფოთლიდან გამოწუროთ წვენი და შეიზილოთ დაზიანებულ ადგილებზე. 20 წუთის შემდეგ კი ჩამოიბანეთ თბილი წყლით.
საუკეთესო საშუალებაა ალოე ვერასა და E ვიტამინის ნაზავი. E ვიტამინის 2-3 კაფსულას შეურიეთ 1 ჩ. კ. ალოეს მალამო. მომზადებული საშუალება დაიტანეთ წინასწარ გაწმენდილ სახეზე, კარგად შეიზილეთ, დაიტოვეთ 30-35 წუთი და შემდეგ კი თბილი წყლით ჩამოიბანეთ.
ზეითუნის ზეთი შეიცავს ანტიოქსიდანტებს, A და E ვიტამინებს, რომლებიც ნაოჭების საწინააღმდეგო საშუალებებია. ზეითუნის ზეთი შეიზილეთ დაზიანებულ მიდამოებზე და 7-8 წუთის განმავლობაში თითების წრიული მოძრაობებით დაიმასაჟეთ. ზეითუნის ზეთი კანს ათავისუფლებს მკვდარი უჯრედებისგან და ხელს უწყობს ახლის წარმოქმნას.
ნიღაბის ეფექტი რომ კიდევ უფრო გაძლიერდეს, ზეითუნის ზეთი, ლიმონი, თაფლი და გლიცერინი კარგად აურიეთ. დაიტანეთ წინასწარ გაწმენდილ სახის კანზე, 2-3 წუთი დაიმასაჟეთ, სამოქმედო დრო 15-20 წუთი. ეს ნაზავი კანს ათავისუფლებს მკვდარი უჯრედებისგან და ატენიანებს მას.
სტატიაში მოცემული საშუალებების ეფექტურობა გამოსცადეთ საკუთარ თავზე, შედეგს გააძლიერებთ თუ ყურადრებას მიაქცევთ კვების რაციონს.
გაითვალისწინეთ მოცემული რჩევები, მოამზადეთ შემოთავაზებული საშუალებები და იზრუნეთ თქვენს სილამაზეზე.
