ძვირფასო ქალბატონებო, რაც შეიძლება დიდი ხნით შეინარჩუნეთ ახალგაზრდობა და სილამაზე. ამოირჩიეთ შემთავაზებული ნიღბების რეცეპტებიდან თქვენთვის სასურველი და პროცედურა ჩაიტარეთ კვირაში 3-ჯერ. ნიღბების
შემადგენლობაში შემავალი ინგრედიენტები ნატურლური და ყველასთვის ხელმისაწვდომია.
1. შვრიის ფანტელების ნიღაბი
საჭირო ინგრედიენტები:
- შვრიის ფანტელები 3-4 ს. კ.
- რძე ან ნაღები
მომზადებისა და გამოყენების წესები:
შვრიის ფანტელებს დაასხით იმ რაოდენობის ცხელი რძე ან ნაღები, რომ მიიღოთ ბლანტი მასა. ნიღაბი დაიტანეთ წინასწარ გაწმენდილ სახის კანზე და 15-20 წუთი დაიტოვეთ. შემდეგ კი თბილი წყლით ჩამოიბანეთ.
2. კეფირის ნიღაბი
- პროცედურისთვის დაგჭირდებათ ცხიმიანი კეფირი ან არაჟანი, ან ნაღები 100-200 მლ.
- გაიწმინდეთ სახე და 15-20 წუთის განმავლობაში რამდენჯერმე შეიზილეთ კეფირი.
- შემდეგ სახე თბილი წყლით დაიბანეთ. თუ აირჩვეთ არაჟანს ან ნაღებს, მაშინ ინგრედიენტი ერთხელ წაისვით, გაიჩერეთ 15-20 წუთი და შემდეგ სახე თბილი წყლით ჩამოიბანეთ.
3. ხაჭოს ნიღაბი
საჭირო ინგრედიენტები:
- ხაჭო 2 ს. კ.
- სტაფილო წვენი 2 ს. კ.
- ზეითუნის ზეთი 2 ს. კ.
- რძე 2 ს. კ.
მომზადებისა და გამოყენების წესები:
- გაითვალისწინეთ ნაღების მოსამზადებლად საჭირო ყველა ინგრედიენტი უნდა იყოს ოთახის ტემპერატურის. სურვილისამებრ შეგიძლიათ
- მოცემული პროპორციები გაზარდოთ ან შეამციროთ. ინგრედიენტები კარგად აურიეთ, შემდეგ დაიტანეთ წინასწარ გაწმენდილ სახეზე და სქელ ფენად წაისვით.
- 15 წუთის შემდეგ სახე თბილი წყლით ჩამოიბანეთ.
4. თაფლის ნიღაბი
საჭირო ინგრედიენტები:
- თაფლი 2 ს. კ.
- შვრიის ფანტელი 1 ს. კ.
- რძე 2 ჩ. კ.
მომზადებისა და გამოყენების წესები:
- მოცემული ინგრედიენტები კარგად აურიეთ და ნიღაბი დაიტანეთ წინასწარ გაწმენდილ სახის კანზე და დაიყოვნეთ 15-20 წუთი.
- ნიღაბის გამოყენება არ შეიძლება მათთვის ვინც თაფლზე ალერგიულია.
5. ბანანის ნიღაბი
საჭირო ინგრედიენტები:
- საშუალო ბანანი
- მკვებავი მალამო 1 ჩ. კ.
- ზეითუნის ზეთი 1 ჩ. კ.
- ლიმონის წვენი 1 ჩ. კ.
მომზადებეისა და გამოყენების წესები:
- მოცემული ინგრედიენტები კარგად აურიეთ, დაიტანეთ სახის კანზე და 15-20 წუთი გაიჩერეთ.
- შემდეგ ნიღაბი თბილი წყლით ჩამოიბანეთ.
სალონურ პროცედურებზე არანაკლებად შეგიძლიათ იზრუნოთ საშინაო პირობებშიც თქვენი სახის კანზე. ამისთვის გამოიყენეთ ბალახები. მაგალითად,
- მშრალი სახის კანისთვის გამწმენდ საშუალებად გამოიყენეთ ასკილის, ვარდის, გვირილის, პიტნის ნაყენები.
- ცხიმიანი კანისთვის გამოიყენეთ სალბის, ცხენის კუდის, ვირისტერფას, ფარსმანდუკის ნაყენები.
ნაყენი მოამზადეთ შემდეგი რეცეპტის მიხედვით:
აიღეთ ჩამოთვლილთაგან თქვენთვის სასურველი გამხამრი ბალახის 1 ს. კ. და დაასხით 100 მლ ადუღებული წყალი, დააყოვნეთ 1 საათი, შემდეგ გადაწურეთ და ნაყენიც მზად არის. მომზადებული საშუალებით დღეში რამდენჯერმე გაიწმინდეთ სახის კანი.
შეგიძლიათ მოამზადოთ მრავალინგრედიენტიანი ნიღბებიც:
- თუ თქვენ ცხიმიანი კანი გაქვთ, თანაბარი რაოდენობით აიღეთ გახეხილი ავკოდას რბილობი, კეფირი და ალოეს წვენი. მოცემული ინგრედიენტები კარგად აურიეთ და ნიღაბი დაიტანეთ წინასწარ გაწმენდილ სახის კანზე (მოერიდეთ თვალების გარშემო ადგილებს). 15-20 წუთის შემდეგ ნიღაბი თბილი წყლით ჩამოიბანეთ.
- თანაბარი რაოდენობით აიღეთ რძე, ყურძნისა და ფორთოხლის ახალგამოწურული წვენები. ინგრედიენტები კარგად აურიეთ და წაისვით სახის კანზე. 15-20 წუთის შემდეგ სახე თბილი წყლით ჩამოიბანეთ.
- მშრალი კანისთვის თანაბარი რაოდენობით აიღეთ თაფლი, ზეითუნის ზეთი და შვრიის ფანტელი. მოცემული ინგრედიენტები კარგად აურიეთ და სახის კანზე წრიული მოძრაობებით სქელ ფენად შეიზილეთ. სკრაბი სახეზე 5-10 წუთამდე დაიყოვნეთ, შემდეგ კი თბილი წყლით ჩამოიბანეთ. პროცედურის ბოლოს წაისვით დამატენიანებელი მალამო.
გაითვალისწინეთ მოცემული რჩევები, ნუ გადაიხდით ზედმეტს, აირჩიეთ თქვენთვის სასურველი საშუალება და იზრუნეთ თქვენს სილამაზეზე.
