სტატიაში შემოგთავაზებთ არომატული და საოცრად გემრიელი პომიდვრის მარინადის რეცეპტს.
ძვირფასო ქალბატონებო, თქვენ პომიდვრის მარინადის შეუდარებელი ოსტატები ბრძანდებით, მაგრამ შემოგთავაზებთ განსხვავებული არომატისა და გემოს მქონე მარინადის რეცეპტს.
საჭირო ინგრედიენტები (გათვლილია 1 ქილაზე):
- პომიდორი (გრძელი)
- მოცხარის, ალუბლისა და პირშუშხას ფოთლები (თითო-თითო)
- კამა ერთი ან რამდენიმე ღერო
- ოხრახუში ერთი ან რამდენიმე ღერო
- ტარხუნას ერთი ან რამდენიმე ღერო
- 1 კბილი ნიორი
- სანელებლები: შავი პიმპილის მარცვლები (1-2 ცალი), წითელი წიწაკა, დაფნის ფოთოლი.
მარინადის მოსამზადებლად დაგჭირდებათ (გათვლილია 1 ქილაზე):
- წყალი 1 ლიტრამდე
- მსხვილი მარილი 1 ს. კ. (სავსე)
- შაქარი 1 ს. კ.
- ძმარი 9%-იანი 50 მლ
მომზადების წესები:
- ქილები გაასტერილეთ.
- ზემოთ მოცემული მწვანილები კარგად გარეცხეთ, დაასხით ადუღებული წყალი და დააუყონებლივ (1 წამში) ამოიღეთ. შემდეგ ჩააწყვეთ გასტერილებულ ქილაში.
- პომიდვრები კბილის ჩხირით ყუნწში ჩაჩხვლიტეთ და ჩააწყვეთ ქილაში, დაამატეთ სანელებლები, დაასხით ადუღებული წყალი, დაახურეთ გასტერილებული ხუფი და გააჩერეთ 15 წუთი.
- მითითებული დროის გასვლის შემდეგ, წყალი გადმოასხით ქვაბში, მოამზადეთ მარინადი, დაასხით პომიდორს, დაახურეთ ცხელი ხუფი. ქილა ამოაბრუნეთ და შეფუთეთ, სანამ არ გაგრილდება.
- პირადად მე ძმრის ესენციას ვიყენებ (ლიტრიან ქილაზე 1 ს. კ., მაგრამ კარგად არ ვავსებ).
დამერწმუნეთ, თქვენ მიერ მოხდენილ საოცრებებს კიდევ ერთ შედევრს შეჰმატებთ. გემრიელად მიირთვით და ისიამოვნეთ!
