შემოგთავაზებთ საოცარი კერძის რეცეპტს. გემრიელად შეზავებული გატარებული ხორცის შიგთავსითა და არაჟნის სოუსით გაჯერებული კარტოფილი თქვენი ოჯახის წევრების საყვარელი კერძი გახდება.
კერძის მოსამზადებლად დაგჭირდებათ შემდეგი ინგრედიენტები:
- 15 ცალი კარტოფილი
- 250 გრ გატარებული ხორცი
- 1 თავი ხახვი
- პომიდვრის სოუსი გემონებით
- მარილი გემოვნებით
- შავი წიწაკა
- 50 გრ არაჟანი
- 50 გრ კარაქი
მომზადების წესი:
- კარტოფილი გათალეთ და ამოაჭერით გული. გატარებული ხორცი შეაზავეთ დაჭრილი ხახვით, მარილითა და პიმპილით.
- მომზადებული მასით ამოავსეთ კარტოფილები და მჭიდროდ ჩააწყვეთ საცხობ ფორმაში (დაგჭირდებათ საშუალო დიამეტრის).
- ცალკე თასში აურიეთ არაჟანი, მარილი, ცოტა წყალი და გამდნარი კარაქი. მომზადებული სოუსი გადაასხით კარტოფილს. სურვილისამებრ, დაამატეთ პომიდვრის პასტაც.
- ღუმელი გააცხელეთ 180 გრადუს ტემპერატურაზე. მოსამზადებლად დასჭირდება 30 წუთი.
კერძი სუფრასთან მიიტანეთ ცხელ-ცხელი. ზემოდან მოაფრქვიეთ წვრილად დაჭრილი მწვანილი. გემრიელად მიირთვით!
