უებარი საშუალებაა ვაზელინი, რომლის წყალობითაც ეფექტურად მოიგვარებთ როგორც ჯანმრთელობასთან, ისე გარეგნობასთან დაკავშირებულ პრობლემებს. არსებობს ამ იაფი და ხელმისაწვდომი პროდუქტის გამოყენების არაერთი ალტერნატიული გზა. ამ გზების შესახებ სწორედ დღევანდელ სტატიაში გიამბობთ.
რისთვის გამოვიყენოთ ვაზელინი?
1. თმისთვის
ვაზელინი ეფექტურად გამოიყენა თმის გაყოფილი ბოლოების სამკურნალოდ. აიღეთ ცოტა ვაზელინი და შეიზილეთ თმის ძირებზე, შემოიხვიეთ პირსახოცი და გაიჩერეთ 1 საათი. პროცედურა გაიმეორეთ კვირაში ერთხელ, სასურველი შედეგის მიღებამდე.
ეს საოცარი პროდუქტი ჩვენი დამხმარეა. თუ თქვენ თმის შეღებვის დროს კანს საღებავით დაისვრით, არ ინერვიულოთ, რადგან მოცემულ პრობლემას ვაზელინი მარტივად მოგიგვარებთ.
2. კანისთვის
ვაზელინი საუკეთესო დამატენიანებელი საშუალებაა. თუ საღამოს ამ უებარ პროდუქტს შეიზელთ დაზიანებულ კანზე, დილით შეამჩნევთ, რომ კანი დარბილებული და დატენიანებულია.
3. ტუჩებისთვის
თუ დახეთქილ ტუჩებზე შეიზელთ ვაზელინს, დილით ტუჩები გექნებათ რბილი, დატენიანებული და ლამაზი.
4. მაკიაჟისთვის
ვაზელინი შეგიძლიათ გამოიყენოთ მაკიაჟის მოსაშორებლად. დაიტანეთ ცოტა ვაზელინი სახის კანზე და ბამბის ფირფიტით გაიწმინდეთ. ამ გზით შეძლებთ მაკიაჟის მოშორებას და სახის კანის გაწმენდას.
5. წვერისთვის
ანთების საწინააღმდეგო თვისებებით გაჯერებული ვაზელინი გაპარსვის შემდეგ გამოსაყენებელი საშუალებაა.
გამოიყენეთ ყველასთვის ხელმისაწდომი უებარი საშუალება და მარტივად მოიგვარეთ პრობლემები.
