შემოგთავაზებთ ნოყიერი, წვნიანი და არომატული კერძის რეცეპტს. მოამზადეთ ეს საოცრება და კიდევ ერთხელ დაამტკიცეთ, რომ თქვენ შეუდარებელი კულინარი ხრთ.
უგემრიელესი კერძის მოსამზადებლად დაგჭირდებათ შემდეგი ინგრედიენტები:
- 700 გრ გატარებული ხორცი (საქონლის ხორცს დაამატეთ ცოტა ღორის ხორცი, შეგიძლიათ მოამზადოთ ქათმის ხორცითაც)
- 1 კვერცხი
- 3 ცალი მოხარშული კვერცხი
- 3 ს. კ. არაჟანი
- 3 ცალი (საშუალო ზომის) უმი კარტოფილი
- 150 გრ ყველი
- 2 თავი ხახვი
- დაფქვილი შავი პიმპილი
- მარილი
- ზეთი
მომზადების წესი:
- პირველ რიგში, ხახვი დაჭერით საშუალო ზომის ნაჭრებად. ტაფაზე დაასხით ზეთი და ხახვი ოქროსფრად დაბრაწეთ. შემდეგ მოხარშული კვერცხი გახეხეთ მსხვილ სახეხზე, მოაყარეთ მარილი, დაამატეთ არაჟანი და აურიეთ. მომზადებული მასა გვერდზე გადადეთ.
- ყველი მსხვილ სახეხზე გახეხეთ. ასევე გახეხეთ უმი კარტოფილიც. გახეხილი კარტოფილი გაწურეთ. გატარებული ხორცი შეაზავეთ მარილით, შავი პიმპილით, კვერცხით და კარგად აურიეთ.
- საცხობ ფორმას, კარგი იქნება, მინის ცეცხგამძლე საცხობ ფორმას თუ გამოიყენებთ, წაუსვით ცხიმი. შეზავებული ხორცისგან მოამზადეთ ბურთულები, გააბრტყელეთ და განათავსეთ ფორმაზე. დაიცავით მანძილი.
- ხორცზე ზემოდან მოაყარეთ ხახვი (თანაბრად გაანაწილეთ). შემდეგ თანაბრად გაანაწილეთ გახეხილი კარტოფილი. კარტოფილს მოაყარეათ ცოტა მარილი, შავი პიმპილი, ზემოდან გადაუსვით კვერცხისა და არაჟნის ნარევი, ბოლოს დაფარეთ გახეხილი ყველით.
- ფორმას გადააფარეთ ფოლგა და შედეთ 180 გრადუს ტემპერატურაზე გაცხელებულ ღუმელში. მოსამზადებლად დასჭირდება 35-40 წუთი. მითითებული დროის გასვლის შემდეგ, ფოლგა მოხსენით და კიდევ 5 წუთით დააყოვნეთ ღუმელში.
უგემრიელესი კერძით შეგიძლიათ სადღესასწაულო სუფრაც დაამშვენოთ. გემრიელად მიირთვით!
