შემოგთავაზებთ უგემრიელესი კერძის რეცეპტს. არომატული სანელებლებით შეზავებული ხორცით სავსე წითელი ბულგარული წიწაკები ისე მადის აღმძვრელად გამოიყურება, რომ აუცილებლად მოგინდებათ დაგემოვნება.
კერძის მოსამზადებლად დაგჭირდებათ შემდეგი ინგრედიენტები:
- წითელი ბულგარული წიწაკა 4 ცალი (დიდი)
- ქათმის მკერდი ან გატარებული ხორცი (გემოვნებით) 500-600 გრ
- ყველი 100 გრ
- არაჟანი 2-3 ს. კ.
- მარილი ნახევარი ჩ. კ.
- სანელებლები ხორცისთვის გემოვნებით
- ფქვილი 1 ს. კ.
- წყალი 70 მლ
- ზეთი ცოტა
მომზადების წესი:
- ქათმის მკერდი პატარა კუბიკებად დაჭერით და შეწვით, დაამატეთ ფქვილი, არაჟანი, დაასხით წყალი, განუწყვეტლივ ურევთ და საშუალო ცეცხლზე ამზადებთ 4 წუთის განმავლობაში.
- წიწაკები გაჭერით შუაზე, თესლისგან გაასუფთავეთ და დააწყვეთ საცხობ ფორმაზე. შემდეგ წიწაკების ნახევრები მომზადებული ხორციანი მასით ამოავსეთ და ზემოდან მოაყარეთ გახეხილი ყველი.
- ღუმელი გააცხელეთ 200 გრადუს ტემპერატურაზე. კერძის მოსამზადებლად დაგჭირდებათ 30 წუთი.
უგემრიელესი კერძი თქვენს სადღესასწაულო სუფრასაც დაამშვენებს და ყველას მოწონებას დაიმსახურებს. გემრიელად მიირთვით!
