ტკბილეულის მოყვარულებო, შემოგთავაზებთ ხელნაკეთი კანფეტების რეცეპტს. მოამზადეთ და თაფლის, ნიგვზისა და შოკოლადის საოცარი არომატით ისიამოვნეთ!
ხელნაკეთი კანფეტების მოსამზადებლად დაგჭირდებათ შემდეგი ინგრედიენტები:
- 500 გრ ნიგოზი
- 1 ჩ. კ. კარაქი
- 5 ს. კ. შაქარი
- 3 ცალი ორცხობილა
- 5 ს. კ. თაფლი
- 2 ფილა შოკოლადი
მომზადების წესი:
- ნიგოზი დაჭერით პატარა ნაჭრებად. თაფლი, შაქარი და კარაქი აურიეთ, დადგით დაბალ ცეცხზლე, განუწყვეტლივ ურევთ, სანამ შაქარი არ გადნება.
- ორცხობილები დააქუცმაცეთ და შეურიეთ თაფლიან მასას. შემდეგ დაამატეთ ნიგოზი და კვლავ აურიეთ.
- ხელებზე დაიტანეთ ცოტა ზეთი და მზა მასიდან გამოხელეთ კაკლის ზომისა და ფორმის კანფეტები. შოკოლადი გაადნეთ და კანფეტები ამოავლეთ.
მომზადებული გემრიელობა მთელი ღამით მაცივარში შეინახეთ.
