კექსი უკრემო დესერტია, რომელიც განსაკუთრებით უყვართ პატარებს. შემოგთავაზებთ ხაჭოს ჰაეროვანი და არომატული კექსის რეცეპტს. ფაფუკი კექსები ისეთი გემრიელია, რომ პირში დნება.
კექსის მოსმზადებლად დაგჭირდებათ შემდეგი ინგრედიენტები:
- 200 გრ ხაჭო
- 2 ს. კ. არაჟანი
- 2 ცალი კვერცხი
- 2 ს. კ. კარაქი
- 1 ჩ. ჭ. ფქვილი
- 1 ჩ. ჭ. შაქარი
- ნახევარი ჩ. კ. სოდა/ძმრით
- ვანილი მწიკვი
- მარილი გემოვნებით
მომზადების წესი:
- შაქარი და კვერცხი ათქვიფეთ გატეთრებამდე, დაამატეთ გამდნარი კარაქი, ვანილი, მარილი, ხაჭო, არაჟანი და კარგად აურიეთ. შემდეგ ნელ-ნელა შეზილეთ გაცრილი ფქვილი და სოდა/ძმრით.
- ფაფუკი ცომი თანაბრად გაანაწილეთ სპეციალურ ფორმებში და გამოაცხვეთ 180 გრადუს ტემპერატურაზე. გამოსაცხობად დასჭირდება 30-35 წუთი.
უნაზეს კექსებს, თუ თქვენმა პატარებმა გაგრილება დააცადეს, მოაფრქვიეთ შაქრის ფხვნილი. გემრიელად მიირთვით და ისიამოვნეთ!
