მოცემული რეცეპტის მიხედვით მომზადებული შაქრის ფუნთუშები ძალიან გემრიელია და გაგახსენებთ ბავშვობის გემოს.
არომატული ფუნთუშების მოსამზადებლად დაგჭირდებათ შემდეგი ინგრედიენტები:
- ფქვილი 0,5 კგ
- კვერცხი 1 ცალი ცომისთვის, 1 ცალი ზემოდან წასასმელად
- საფუარი 7 გრ
- შაქარი 40 გრ
- მარილი 5 გრ
- თბილი წყალი 300 მლ
- ზეთი 50 მლ
- ვანილი გემოვნებით
- შიგთავსისთვის დაგჭირდებათ
- ზეითუნის ზეთი
- შაქარი
მომზადების წესი:
- ფქვილი გაცერით, დაამატეთ შაქარი, ვანილი, საფუარი, მარილი და აურიეთ. შემდეგ დაამატეთ თბილი წყალი, კვერცხი და მოზილეთ ცომი. ბოლოს შეაზილეთ ზეთი. მიიღებთ ელასტიურ ცომს. მზა ცომი მოათავსეთ თასში და 1,5 საათით შედეთ მაცივარში.
- ცომი გადმოიტანეთ ფქვილმოყრილ ზედაპირზე და გაყავით 18 თანაბარ ნაწილად. თითოეული ნაწილი გააბრტყელეთ მართხკუთხა ფენად, წაუსვით ზეითუნის ზეთი და მოაყარეთ შაქარი. შემდეგ ფენა რულეტივით გადაახვიეთ, კიდეები შეკარით. მიღებული მასა ოდნავ გაიტანეთ სიგრძეში და გადაკეცეთ შუაზე, არ ჩაჭრათ. შემდეგ კიდეები შეაერთეთ ისე, რომ მიიღოთ გულის ფორმა.
- საცხობ ფორმაზე დააფინეთ პერგამენტის ქაღალდი და გამოხელილი ფუნთუშები დააწყვეთ. დაიცავით ინტერვალი.
- ფუნთუშების ცომი 15-20 წუთით დააყოვნეთ. კვერცხი ათქვიფეთ და ფუნჯით გადაუსვით ფუნთუშებს. ღუმელი გააცხელეთ 180 გრადუს ტემპერატურაზე. გამოსაცხობად დასჭირდება 20 წუთი.
ჰაეროვანი და სურნელოვანი შაქრის ფუნთუშები ოქროსფრად დაბრაწული ხრაშუნა ქერქით უგემრიელესია. მოამზადეთ და ისიამოვნეთ!
