შემოგთავაზებთ ვაშლისა და დარიჩინის არომატით გაჯერებული ხაჭოს ნაზი და ჰაეროვანი ორცხობილების რეცეპტს.
მოსამზადებლად დაგჭირდებათ შემდეგი ინგრედიენტები:
- ფქვილი 250 გრ
- ვაშლი 2-3 ცალი
- ხაჭო 220 გრ
- შაქარი 100 გრ
- გამაფხვიერებელი 2 ჩ. კ.
- ვანილი
- კარაქი 100 გრ
- დარიჩინი 1 ს. კ.
- შაქარი 2 ს. კ.
- მარილი მწიკვი
მომზადების წესი:
- ფქვილი, მარილი და გამაფხვიერებელი აურიეთ.
- ცალკე თასში ათქვიფეთ ხაჭო, შაქარი, ვანილი და კარაქი.
- შემდეგ ხაჭოიან მასას ნელ-ნელა შეაზილეთ ფქვილი.
- ვაშლი დაჭერით პატარა კუბიკებად და შეურიეთ ცომს.
- მზა ცომი გაყავით თანაბარ ნაწილებად და გამოხელეთ პატარა ბურთები.
- დაფქული დარიჩინისა და 2 ს. კ. შაქარის ნარევში ამოავლეთ ბურთულები და ოდნავ გააბრტყელეთ.
- საცხობ ფორმაზე დააფინეთ პერგამენტის ქაღალდი და დააწყვეთ ორცხობილები. დაიცავით მანძილი.
- ღუმელი გააცხელეთ 180 გრადუს ტემპერატურაზე. გამოსაცხობად დასჭირდება 25-30 წუთი.
ოქროსფრად დაბრაწული ორცხობილები ძალიან გემრიელია ჩაისთან ერთად. მიირთვით და ისიამოვნეთ!
