შემოთავაზებთ უგემრიელესი კლასიკური კრემის რეცეპტს. მსუბუქი, ჰაეროვანი და არომატული კრემი უმარტივესი მოსამზადებელია.
საჭირო ინგრედიენტები:
- კარაქი 200 გრ
- შესქელებული რძე 200 გრ
- ვანილის ესენცია ან კონიაკი 1 ჩ. კ.
მომზადების წესი:
- გაითვალისწინეთ, რომ ინგრედიენტები აუცილებლად უნდა იყოს ოთახის ტემპერატურის. წინააღმდეგ შემთხვევაში, ვერ მიიღებთ ერთგვაროვან მასას.
- პირველ რიგში, დარბილებულ კარაქს თქვეფთ 5 წუთის განმავლობაში, სანამ მასა არ გახდება ჰაეროვანი და სქელი არაჟნის კონსისტენციის.
შემდეგ დაამატეთ თითო-თითო სუფრის კოვზი შესქელებული რძე. გაითვალისწინეთ, რომ თქვეფა არ უნდა შეწყვიტოთ. ფუმფულა და ჰაეროვანი კრემი საუკეთესოა ტორტებისა და სხვა საკონდიტრო ნაწარმის მოსამზადებლად.
