ასაკის მატებასთან ერთად ჩვენი ორგანიზმი ავლენს სიბერის ნიშნებს და ეს სრულიად ნორმალურია, მაგრამ მშვენიერი სქესის წარმომადგენლები ამ ფაქტს ვერ ეგუებიან და ცდილობენ, რაც შეიძლება დიდი ხნით შეინარჩუნონ ახალგაზრდობა.
მოცემული პრობლემის მოსაგვარებლად ხალხური მედიცინისგან იმაზე მეტ სარგებელს მიიღებთ, ვიდრე წარმოგიდგენიათ, რადგან შეგიძლიათ მოიძიოთ უმარტივესი, ბუნებრივი ინგრედიენტებით დატვირთული, ვიტამინებითა და მინერალებით გაჯერებული, ეფექტური და ყველასთვის ხელმისაწვდომი საშუალებების რეცეპტები.
შემოგთავაზებთ კურკუმას ბაზაზე მომზადებული ხელნაკეთი ნიღაბის რეცეპტს, რომლის საშუალებითაც შეიმცირებთ ყელზე, მკერდის არეში არსებულ ნაოჭებს და შეძლებთ ახალგაზრდობის შეინარჩუნებას.
ნიღაბის მოსამზადებლად დაგჭირდებათ შემდეგი ინგრედიენტები:
- კურკუმა 2 ს. კ.
- შაქარი 2 ს. კ.
- ლავანდის ზეთი 4 წვეთი
- ზეითუნის ზეთი 1 ს. კ.
- ვანილის ექსტრაქტი წვეთი
- კეფირი
მომზადების წესი:
- მოცემული ინგრედიენტები, გარდა კეფირისა, აურიეთ ისე, რომ მიიღოთ ერთგვაროვანი მასა.
- როგორც კი ნიღაბი მზად იქნება, სახე და ყელი დაიბანეთ თბილი წყლით, მკერდის ზონა შეიმშრალეთ პირსახოცით და მომზადებული მასა შეიზილეთ წრიული მოძრაობებით. ნიღაბი დაიტოვეთ 30 წუთი. ნარჩენები ცივი წყლით ჩამოიბანეთ, შეიმშრალეთ და წაისვით კეფირი. ეს აუცილებელია, რადგან კეფირი კვებავს კანს, ათეთრებს, ანიჭებს სიგლუვეს. სამოქმედოდ დაიტოვეთ 30 წუთი. ნარჩენები თბილი წყლით ჩამოიბანეთ.
- ნიღაბი გაიკეთეთ ძილის წინ. შემოთავაზებული საშუალება გამოიყენეთ კვირაში 3-ჯერ, 1-2 თვის განმავლობაში.
შედეგს პირველივე პროცედურის შემდეგ შეამჩნევთ. თქვენი კანი გახდება უფრო ნათელი, გლუვი, ელასტიური და ნაოჭების გარეშე.
