შემოგთავაზებთ ფენოვანი ცომით მომზადებული ვარდების რეცეპტს. უგემრიელეს დესერტს განუმეორებელ არომატსა და გემოს ჰმატებს ვაშლი. შაქრის ფხვნილით დაფარული ვარდის ფორმის გემრიელობა ნებისმიერი სადღესასწაულო სუფრის მშვენება იქნება.
მოსამზადებლად დაგჭირდებათ შემდეგი ინგრედიენტები:
- ფენოვანი ცომი
- ვაშლი 3 ცალი
- შაქრის ფხვნილი 3-4 ს. კ.
- წყალი 200 მლ
- შაქარი 100 გრ
მომზადების წესი:
- წყალისა და შაქრის ნარევი დადგით ცეცხლზე, ურევთ შაქრის გადნობამდე. ადუღეთ 2-3 წუთი.
- ვაშლი დაჭერით თხელ ნაჭრებად, დაამატეთ სიროფს და ადუღეთ, დაახლოებით, 2 წუთი. შემდეგ გადმოიტანეთ თეფშზე და გააგრილეთ.
- დესერტის მოსამზადებლად შეგიძლიათ გამოიყენოთ თქვენთვის მარტივად მოსამზადებელი ან ნაყიდი ფენოვანი ცომი. ცომი გააბრტყელეთ თხელ ოთკუთხედ ფენად და დაჭერით 3 სმ სიგრძის ზოლებად. თითოეულ ნაწილს (ეცადეთ, უფრო შუაში) თხელ ფენად წაუსვით მომზადებული შიგთავსი და გადაახვიეთ რულეტებივით.
- საცხობ ფორმაზე დააფინეთ პერგამენტის ქაღალდი. მზა რულეტების კიდეები შეკარით, მხოლოდ ერთი მხრიდან, და დაწყვეთ საცოხბ ფორმაზე.
ღუმელი გააცხელეთ 180 გრადუს ტემპერატურაზე. გამოსაცხობად დასჭირდება 20-30 წუთი. გაგრილების შემდეგ მოაყარეთ შაქრის ფხვნილი და გემრიელად მიირთვით!
