უდიდეს პრობლემას წარმოადგენს ოფლის უსიამოვნო სუნი და სამოსზე, იღლიების უბანზე, გაჩენილი სველი ადგილები. მოცემული პრობლემის აღმოსაფხვრელად რეგულარულად გვიწევს დეოდორანტებისა და ანტიპერსპირანტების გამოყენება. მათ შემადგენლობაში შედის თუთიისა და ალუმინის მარილები, რომლებიც, მართალია, ამცირებს ოფლიანობას, მაგრამ, სამწუხაროდ, დროთა განმავლობაში აზიანებს სამოსს და ტოვებს ლაქებს.
შემოგთავაზებთ ხელნაკეთი საშუალების რეცეპტს, რომლის დახმარებითაც მარტივად და ეფექტურად მოაშორებთ სამოსს ოფლის საწინააღმდეგო საშუალებების შედეგად გაჩენილ ლაქებს.
ხსნარის მოსამზადებლად დაგჭირდებათ შემდეგი ინგრედიენტები:
- სოდა ¼ ჩ. ჭ
- 2 ცალი ლიმონის წვენი
- ½ ჩ. ჭ. თეთრი ძმარი
- 2 ს. კ. წყალი
მომზადებისა და გამოყენების წესები:
მოცემული ინგრედიენტები აურიეთ და მიღებული ხსნარი მომზადებისთანავე დაასხით დალაქავებულ ადგილებზე, გააჩერეთ 15 წუთი და შემდეგ სამოსი ჩვეულებრივი წესის მიხედვით გარეცხეთ.
ეს მარტივი ხრიკი დაგეხმარებათ სრულიად ბუნებრივი გზით, ქიმიური სარეცხი საშუალებების გამოყენების გარეშე, მოაშოროთ ტანსაცმელს ანტიპერსპირანტების ლაქები.
