შემოგთავაზებთ მოსამზადებლად მარტივი, ფაფუკი და ჰაეროვანი ცომის რეცეპტს, რომლის საშუალებითაც შეძლებთ უგემრიელესი ღვეზელების მომზადებას.
საფუვრის მოსამზადებლად დაგჭირდებათ შემდეგი ინგრედიენტები:
- წყალი 50 მლ
- საფუარი 1 ჩ. კ.
- შაქარი 1 ჩ. კ.
ცომის მოსამზადებლად დაგჭირდებათ შემდეგი ინგრედიენტები:
- წყალი ან რძე, ან კეფირი 250 მლ
- 2 ცალი კვერცხის გული
- შაქარი 2 ჩ. კ.
- მარილი ნახევარი ჩ. კ.
- ფქვილი 500-550გრ
- ზეთი 2 ს. კ.
მომზადების წესი:
- პირველ რიგში, ამზადებთ საფუარს. თასში ჩაასხით თბილი წყალი, დაამატეთ საფუარი, შაქარი და აურიეთ. რამდენიმე წუთი გააჩერეთ სითბოში.
- ღრმა თასში ჩაასხით თბილი რძე, დაამატეთ შაქარი, მარილი, კვერცხის გულები, ზეთი, ამოსული საფუარი და აურიეთ. შემდეგ ნაწილ-ნაწილ დაამატეთ 400 გრ გაცრილი ფქვილი და მოზილეთ რბილი, წებოვანი ცომი (უმჯობესია, ფქვილი ცომის ამოგუნდავების დროს გამოიყენოთ). ცომს ზელთ, დაახლოებით 10-15 წუთი. თასს გადააფარეთ საკვების ცელოფანი და დადგით სითბოში. საათ-ნახევრის შემდეგ ჩაზილეთ, კვლავ გადააფარეთ ცელოფანი და გააჩერეთ ასაფუებლად.
შეგიძლიათ ფაფუკი და ჰაეროვანი ცომით მოამზადოთ საოცრად გემრიელი ღვეზელები. გამოიყენეთ თქვენთვის სასურველი შიგთავსი.
გემრიელად მიირთვით!
