შემოგთავაზებთ პამიდვრის უგემრიელესი სოუსის რეცეპტს, რომელსაც ნებისმიერი კერძის მოსამზადებლად ან გარნირად გამოიყენებთ. საწებელი გამოდის სასიამოვნო ფერის, არომატის, სურნელოვანი, ზომიერად ცხარე და ძალიან გემრიელი.
მოსამზადებლად დაგჭირდებათ შემდეგი ინგრედიენტები:
- პამიდორი 3 კგ
- ხახვი 300 გრ
- ბულგარული წიწაკა ნახევარი კგ
- ცხარე წიწაკა 1 ცალი
- ნიორი 4-5 კბილი
- ზეთი ნახევარ ჩაის ჭიქაზე ცოტა მეტი
- ძმარი ნახევარი ჩ. ჭ.
- მარილი 2 ს. კ.
- შაქარი 2 ს. კ.
- მოცემული ინგრედიენტებით შეძლებთ დაახლოებით, 3 ლ სოუსის მომზადებას.
მომზადების წესი:
- პამიდორი გარეცხეთ, გაფცქვენით და დაჭერით კუბიკებად.
- ხახვი გაფცქვენით და დაჭერით კუბიკებად.
- ბულგარული წიწაკა (შეგიძლიათ გამოიყენოთ წითელიც და მწვანეც) გაასუფთავეთ თესლისგან.
- პამიდორი გაატარეთ. გაატარეთ ხახვი, ბულგარული, ცხარე პილპილი.
- მომზადებული მასა გადაიტანეთ ქვაბში, დაამატეთ დაჭყლეტილი ნიორი, მარილი, შაქარი, ზეთი და დადგით საშუალო ცეცხლზე.
- ბოლოს დაამატეთ ძმარი და აადუღეთ. ადუღეთ კიდევ 1 საათი.
პამიდვრის უგემრიელესი საწებელი გადაიტანეთ გასტერილებულ ქილებში, დაახურეთ გასტერილებული ხუფები, დააწყვეთ თავდაყირა, გააგრილეთ და მიუჩინეთ ადგილი თქვენს თაროებზე.
გემრიელად მიირთვით!
