გიყვართ სახელდახელოდ დამჟავებული კიტრი? მოცემული რეცეპტის მიხედვით შეძლებთ მარტივად და ძალიან სწრაფად დააგემოვნოთ კიტრი ხრაშუნა, არომატული და ძალიან გემრიელი მჟავე.
მოსამზადებლად დაგჭირდებათ შემდეგი ინგრედიენტები:
- პატარა ზომის კიტრები 1 კგ
- მინერალური წყალი 1 ლ
- მარილი 2 ს. კ.
- ნიორი 3 კბილი
- კამა 1 კონა
- ნიახური 2-3 ღერო
მომზადების წესი:
- კიტრი გარეცხეთ და მოაჭერით ბოლოები.
- მოსამზადებლად დაგჭირდებათ მინის კონტეინერი ან ქილა. ჭურჭლის ძირზე დადეთ ნახევარი კონა კამა და ნიახური. შემდეგ მჭიდროდ ჩააწყვეთ კიტრები, დაადეთ კამის მეორე ნახევარი და მოაყარეთ წვრილად დაჭრილი ნიორი.
- მინერალურ წყალში გახსენით მარილი და დაასხით კიტრს (მთლიანად დაფარეთ). კონტეინერს დაახურეთ ხუფი დ შედეთ მაცივარში.
- კიტრი 12-14 საათის შემდეგ მზად იქნება.
მოამზადეთ ახალ-ახალი და გემრიელად მიირთვით!
