შემოგთავაზებთ სალბისა და ჟელატინის ბაზაზე მომზადებული ნაოჭების საწინააღმდეგო ხელნაკეთი ნიღაბის რეცეპტს. გამაახალგაზრდავებელი ნიღაბი მოიცავს ორ ეტაპს.
1-ელი ეტაპი მოიცავს კანის გაწმენდას
გამწმენდი სკრაბის მოსამზადებლად დაგჭირდებათ შემდეგი ინგრედიენტები:
- წმინდად დაფქული ყავა 1 ჩ. კ.
- დაფქული შვრია 2 ს. კ.
- წყალი
- ლიმონის წვენი
მომზადებისა და გამოყენების წესები:
აურიეთ ყავა და შვრიის ფქვილი. ნარევს დაამატეთ ცოტა წყალი და რამდენიმე წვეთი ლიმონის წვენი. უნდა მიიღოთ სქელი ერთგვაროვანი მასა.
- მომზადებული მასა დაიტანეთ წინასწარ გაწმენდილ სახის კანზე და შეიზილეთ მსუბუქი წრიული მოძრაობებით.
- დაელოდეთ გაშრობას. ნარჩენები ჩამოიბანეთ თბილი წყლით.
მე-2 ეტაპი კანის დატენიანებაა
დამატენიანებელი ნიღაბის მოსამზადებლად დაგჭირდებათ შემდეგი ინგრედიენტები:
- გამხმარი სალბი 1 ჩ. კ.
- ჟელატინი 10 გრ
- ასკილის ზეთი მესამედი ჩ. კ.
- გლიცერინი 1 ჩ. კ.
- წყალი ნახევარი ჩ. ჭ.
- ავოკადოს ზეთი სახის გასაწმენდად
მომზადებისა და გამოყენების წესები:
- სალბს დაასხით ადუღებული წყალი, დაახურეთ ლამბაქი და გააჩერეთ ცოტა ხანს. თუ ახალი სალბი გაქვთ, მაშინ დაგჭირდებათ 2 ჩ. კ.
- სალბის ნაყენს დაამატეთ ჟელატინი, მოურიეთ და დაელოდეთ აფუებას.
- პატარა თასში გადმოიტანეთ ჟელატინიანი მასის 1 ს. კ. დაამატეთ გლიცერინი, ასკილის ზეთი და კარგად აურიეთ.
- სახე დაიბანეთ და წაისვით ავოკადოს ცოტა ზეთი (შეგიძლიათ ჩაანაცვლოთ თქვენთვის ხელმისაწვდომი ზეთით) და შემდეგ ჟელატინიანი ნიღაბი თანაბრად გაინაწილეთ.
- ნიღაბი სამოქმედოდ დაიტოვეთ 20-40 წუთი, არ უნდა შეგაშრეთ, ამიტომ ხელები დაისველეთ თბილი წყლით ან დარჩენილი ნაყენით (სალბისა და ჟელატინის ნაყენი) და სველი ხელით ნიღაბი დაატენიანეთ.
- ნიღაბი ჩამოიბანეთ თბილი წყლით და წაისვით ყოველდღიური კრემი.
ნიღაბი გამოიყენეთ 1 თვის განმავლობაში კვირაში 2-3-ჯერ. შემდეგ_ კვირაში ერთხელ ან უფრო იშვიათად. დამოკიდებულია თქვენი კანის მდგომარეობაზე. მომზადებული მასა შეგიძლიათ 1-2 დღით შეინახოთ მაცივარში.
გამოიყენეთ მოცემული ნიღაბი და დარწმუნდით, რომ გაცილებით ეფექტური და უსაფრთხოა ნაოჭების საწინააღმდეგო ხალხურ საშუალებებზე დაყრდნობა.
